Praga Museum Nationale
Museum Nationale (Bohemice Národní muzeum), olim Museum Bohemicum sive Museum Regni Bohemiae, est maximum museum Cechiae et vetustissimum museum Bohemiae in Praga situm.
Conditum est anno 1818 a nobilibus regni Bohemiae, praecipue a notissimo botanista Casparo Maria comite de Sternberg.
Aedificium vetustissimum principaleque huius musei in foro sancti Venceslai Pragae anno 1891 perfectum est ab architecto Iosepho Schultz. Antea collectiones musei in palatiis Pragnesibus nobilium fautorum servabantur, videlicet in palatio Sternberg prope arcem regiam Pragensem (1821–1846) et in palatio Nostitz (1846–1892) inter forum equorum (nunc sancti Venceslai) et forum sancti Iosephi (nunc Rei publicae) Neo-Pragae.
Museum Nationale multa aedificia habet, inter alia Novum aedificium, olim parlamentum foederale Bohemoslovaciae iuxta aedificium principale, Museum musicae Bohemicum Micro-Pragae cum Museo Fridericii Smetana Vetero-Pragae prope pontem Caroli et Museo Antonini Dvořák Neo-Pragae, Lapidarium Musei Nationalis et Museum culturarum Asiae, Africae Americaeque ab Adalberto Náprstek fundatum in foro Betleem Vetero-Pragae (prope capellam Bethleem).
In Bibliotheca Musei Nationalis multa manuscripta medii aevii servantur.
Nexus externi
 | Vicimedia Communia plura habent quae ad Museum Nationale (Praga) spectant. |
This article uses material from the Wikipedia Latina article Museum Nationale (Praga), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.