Lieupangus
Lieupangus sive Caozuus (Sinice 劉邦 Liu Bang, imperiali nomine 漢高祖 Han Gaozu, natus 256 a.C.n., decessit 195 a.C.n.) fuit imperator Sinarum conditorque Han familiae, qui primus eius gentis ex humili rerum potitus est.
Annos septem et quadraginta natus, concita causa Ulxii evertendae tyrannidis seditione, in Pei pago prope a Siucheo arma sumpsit praefectus exercitui; tum ad Hiangyum praevalentem se adiungens primus in Cin regiam domum irruit. His et aliis factis in Hiangyi ducis suspicionem veniens, ne quid maioris imperii appeteret, in provinciam Suchuensem tum in extremis mundi numeratam missus bellum cum illo iniit, eo praetexto, quod adhibitum epulis ipsum mala fide interficere molitus, auxilioque Hansinii et Changuli ducum militum tandem Hiangyum sua manu perire coegit; tum condita familia Han regnatrici annos sex regnavit, dum mortem suam post imperium in filium Hoeium tradidit.
Notae
Nexus externi
 | Lexica biographica: • Большая российская энциклопедия |
This article uses material from the Wikipedia Latina article Lieupangus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.