Georgius Coedès (Francogallice George Cœdès , Thai ยอร์ช เซเดส์; natus anno 1886; mortuus anno 1969) fuit eruditus Francicus linguarum et rerum gestarum Asiae Meridiorientalis.
Ab anno 1908 magister lycei Condorcet Lutetiae linguam Theodiscam docuit, sed iam annum duodevicesimum agens symbolam de inscriptionibus Cambosiae Sanscritis et Khmer divulgaverat. Ab anno 1911 sodalis Scholae Extremi Orientis Francicae rebus Cambosianis et Siamensibus studuit. Fuit director Bibliothecae Nationalis Vajirananae Bancoci ab anno 1917, directorque Scholae Extremi Orientis Francicae, iuxta Hanoi instituta, ab anno 1929 1946 usque. Lutetiae ab anno 1947 fuit professor apud Scholam Franciae Transmarinae necnon Scholam Linguarum Orientalium. Ab anno 1958 fuit socius Academiae Inscriptionum et Litterarum Humaniorum.
Auctor est librorum utilissimorum Les États hindouisés d'Indochine et d'Indonésie et Les peuples de la péninsule indochinoise. Ille primus res gestas civitatis Srivijayae (in insula Sumatra olim florentis) vindicavit.
This article uses material from the Wikipedia Latina article Georgius Coedès, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.