Ecclesia cathedralis sancti Viti, seu rectior Ecclesia cathedralis sanctorum Viti, Venceslai et Adalberti (Bohemice Katedrála svatého Víta, Václava a Vojtěcha), ecclesia metropolitana archiepiscopi Pragensis est in arce Pragensi sita.
Haec est maxima ecclesia Pragae.
Ecclesia sancti Viti anno 929 a duce Bohemorum sancto Venceslao tunc in forma rotunda fundata ac aedificata fuit. Rex Bohemiae Ioannes cum filio suo Carolo anno 1344 fundamenta novae maioris ecclesiae posuit et ecclesiam faciendam viro architecturae peritissimo Matthiae de Arras mandavit. Post mortem regis Ioanni atque architecti Matthiae novus rex ac Imperator Carolus IV Petrum Parlerium architectum novum fecit. Mortuo rege Venceslao IV, filio Caroli IV, opus autem semiperfectum mansit manebatque et saeculis sequentibus, quamquam nonnulli post Carolum reges opus ad finem perducere conati sunt.
In eadem cathedrali ecclesia corpora sanctorum patronorum Bohemiae quiescunt, scilicet sancti Viti, sancti Venceslai, sancti Sigismundi, sancti Adalberti, sancti Ioannis Nepomuceni etc. Ducum Bohemorum et regum Bohemiae etiam corpora in hac ecclesia sunt sepulta, sicut et Imperatorum Sacri Romani Imperii ac regum Romanorum, exempli gratia imperatoris Caroli IV, regis Venceslai, eius filii, et Imperatorum Ferdinandi I, Maximiliani II atque Rudolphi II. Item et plurimarum reginarum corpora ibi sunt sepulta, sicuti et episcoporum et archiepiscoporum Pragensium (exempli gratia Ioannis Ocelli, primi bohemici cardinalis, et Sbignei Berka).
Vicimedia Communia plura habent quae ad Ecclesia Cathedralis Sancti Viti Pragensis spectant. |
This article uses material from the Wikipedia Latina article Ecclesia Cathedralis Sancti Viti Pragensis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.