Ecclesia Cathedralis Basilii Beati Moscuensis
Ecclesia cathedralis Patrocinii Sanctae Dei Genetricis ad fossam, vulgo Ecclesia cathedralis Basilii Beati et simpliciter Basilius Beatus, in margine meridiano fori Pulchri Moscuae sita est, et inter insignia Moscuae numeratur.
Patrocinio Dei Genetricis templum consecratum est, et novem partes minores habet, quarum minima Basilio Beato dedicata est, sed fama sancti tanta erat, ut vix non semper ecclesia eius nomine appellaretur. Fossa, quae in nomine ecclesiae pleno memoratur, est Fossa Aloysii, quae sub muro Cremlini perducta Moscuam et Neglinam flumina coniunxerat et anno 1814 obruta est.
Historia
Anno 1552 ecclesia sanctae Trinitatis aedificata est, quia exercitus Russici Tataros (accuratius: Chanatum Casanum) vicerant. Iam tribus annis post haec ecclesia lignea demolita est. Loco eius iussu Tzari Ioannis IV ecclesia cathedralis hodierna constructa est.
Sunt fontes, qui unicum architectum nomine Postnik Iakovlev (Russice: Постник Яковлев) nominent; alii adiutorem nomine Barma (Russice: Барма) cognoscunt.
Architectura
Cathedrali sunt novem cupolae principales, specie ac colore inter se differentes. Ipsa cathedralis lateribus rubris exstructa neque colore inducta est.
Notae
Nexus externi
 | Vicimedia Communia plura habent quae ad Ecclesiam cathedralem Basilii spectant. |
This article uses material from the Wikipedia Latina article Ecclesia Cathedralis Basilii Beati Moscuensis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.