Divisio Administrativa Iaponiae

Gradus divisionis sunt tres: nationalis, praefecturalis, municipalis. Nationali sub gubernio sunt praefecturae 47, e quibus sex ultra in subpraefecturas ad navandam meliorem operam magnis geographicis areis remotisque insulis subdivisae sunt. Municipia (urbes, [+oppida et villagia) infimus gubernii gradus sunt; urbes viginti cum maximo numero incolarum extra Tokium urbes designatae nuncupantur et subdivisae sunt in vicos.

  Si plus cognoscere vis, vide etiam Index praefecturarum Iaponiae.

Summus administrativarum divisionum gradus praefecturales entitates 47 sunt: praefecturae 43 (県 ken) ipsae; praefecturae urbanae (府 fu, Osakensis et Kyotensis) duo; circuitus unus (道 dō, Esonia); et metropolis una (都 to, Tokium). Quamquam diversae a nomine, functionaliter aequae sunt.

Ken

"Praefectura" (県 ken) communissimum praefecturalium divisionum genus sunt, cum summā 43 praefecturarum. Character Sinicus Classicus e quo derivatur "comitatum" significat.

To

Tokium "metropolis" (都 to) nuncupatur cum soluta sit Urbs Tokiensis anno 1943; Tōkyō-fu (Praefectura Tokiensis) ad Tōkyō-to promotum est et Urbis Tokiensis vici ad vicos speciales promoti sunt. Character Sinicus Classicus e quo derivatur "caput" significat.

Fu

  Si plus cognoscere vis, vide etiam Fu (subdivisio administrativa).

Praefecturae Osakensis et Kyotensis "praefecturae urbanae" (府 fu) nuncupantur. Character Sinicus Classicus e quo derivatur praecipuam urbanam nationalis ponderis zonam in mediā Sinarum periodo aut provinciae subdivisionem tardā Sinarum periodo implicat.

Dō

  Si plus cognoscere vis, vide etiam Circuitus (divisio administrativa).

Esonia "circuitus" (道 dō) nuncupatur; hoc vocabulum in principio ad Iaponicas regiones ex aliquot provinciis consistentes referre solebat. Cuius etiam historicus usus characteris Sinici "circuitum" significantis fuit.

Solum sunt duo subpraefecturalium divisionum genera: subpraefectura et districtus.

Subpraefectura

  Si plus cognoscere vis, vide etiam Subpraefecturae Iaponiae.

Subpraefecturae (支庁 shichō) Iaponica autogubernii forma sunt quae locales quaestiones praefecturali sub gradū conspicit. Agit sicuti pars maioris administrationis civitatis et sicuti pars autogubernativi systematis.

Districtus

Districtūs (郡 gun) administrativae unitates in usū inter 1878 et 1921 erant quae Sinensibus aut Americanis comitatibus impolite aequivalebant. Annis 1920, municipalia munera e districtūs sede in sedes oppidorum villagiorumque intra districtum translata sunt. Districtuum nomina oppidorum villagiorumque cursualibus in inscriptionibus servantur et districtūs aliquando adhibentur sicuti limites districtibus comitialibus; sed aliter nullo munere funguntur. Character Sinicus Classicus e quo derivatur "praefecturam" significat.

  Si plus cognoscere vis, vide etiam Municipia Iaponiae.

Municipales divisiones in praecipuas categorias tres divisae sunt: urbem, oppidum et villagium. Nihilominus, urbanae entitates amplius categorizatae^? sunt. Vici speciales Tokienses etiam municipales divisiones habentur.

Urbes

Urbes in Iaponiā categorizantur^? in dissimilia genera quattuor: summi gradūs, urbem designatam; urbem nuclearem; urbem specialem; et minimi gradūs, regularem urbem.

Urbes designatae

  Si plus cognoscere vis, vide etiam Urbes Iaponicae designatae gubernativo decreto.

Urbs designata gubernativo decreto (政令指定都市 seirei shitei toshi), etiam urbs designata (指定都市 shitei toshi) nuncupata aut urbs decreti gubernativi (政令市 seirei shi), est quaelibet Iaponica urbs amplius 500 000 incolarum habens et quae sic designata sit iussū a Diaetā Nationali secundum Articulo 252, Sectione 19 Legis autonomiae localis. Urbes designatae etiam in vicos subdivisae sunt.

Urbes nucleares

  Si plus cognoscere vis, vide etiam urbes nucleares Iaponiae.

Urbs nuclearis (中核市 Chūkakushi) quaelibet Iaponica urbs est quae amplius 300 000 incolarum et amplius 100 chiliometrorum quadratorum habeat, quamquam speciales exceptiones iussū Diaetae Nationalis urbibus inter 200 000 et 300 000 incolarum habentibus fieri possunt. Urbs nuclearis creata est primā clausulā Articuli 252, Sectionis 22 Legis autonomiae localis Iaponicae.

Urbes speciales

  Si plus cognoscere vis, vide etiam urbes speciales Iaponiae.

Urbs specialis (特例市 Tokureishi) Iaponiae est quaelibet urbs saltem 200 000 incolarum habens. Haec categoria Lege autonomiae localis, articulo 252, clausulā 26 statuta est.

Urbes

  Si plus cognoscere vis, vide etiam Urbes Iaponiae.

Urbs (市 shi) est localis administrativa unitas in Iaponiā saltem 50 000 incolarum habens e quibus saltem 60% domuum commercii, industriae aut aliarum urbanarum rerum munere fungi debet. Urbes eodem gradū oppidorum (町 machi) et villagiorum (村 mura) ordinatae sunt; unica dissimilitudo est ne sint elementa districtuum (郡 gun). Ad instar aliarum hodiernarum administrativarum unitatum, definitae sunt Lege autonomiae localis anni 1947.

Oppida

  Si plus cognoscere vis, vide etiam Oppida Iaponiae.

Oppidum (Iaponice 町 chō seu machi) localis administrativa unitas in Iaponiā est. Est locale publicum corpus iuxtā cum praefecturā (ken aut aliis analogis), urbe (shi) et villagio (mura). Geographice oppidum intra praefecturam continetur.

Villagia

  Si plus cognoscere vis, vide etiam Villagia Iaponiae.

Villagium (村 mura, aliquando son) localis administrativa unitas in Iaponiā est. Est locale publicum corpus iuxtā cum praefecturā (ken aut aliis analogis), urbe (shi) et oppido (町 chō, aliquando machi). Geographice villagii extensio intra praefecturam continetur. Est maius quam reales sedes, et est reapse ruralis districtūs (郡 gun) subdivisio, qui subdivisus est in oppida villagiaque sine superpositione et sine haud tecto loco.

Vici speciales

  Si plus cognoscere vis, vide etiam Vici speciales Tokienses.

Vici speciales (特別区 tokubetsu-ku) municipia 23 sunt quae iuncta nucleum et habitatissimam Tokii partem, in Iaponiā, constituunt. Coniunctae, terram occupant quae initio Urbs Tokiensis erat antequam anno 1943 abolita sit ut nove creatae Metropolis Tokiensis partes fierent. Vicorum specialium structura statuta est secundum Legem autonomiae localis Iaponicam et est unica Tokio.

Vici

Vicus (区 ku) Iaponicarum urbium subdivisio est quae sunt satis magnae ut designatae sint gubernativo decreto.

Quamquam localis administrationis singula per tempora valde mutata sunt, basica praesentis biplani systematis lineamenta similia sunt cum abolitum sit systema Hanicum a Gubernium Meijicum anno 1871. Antequam systema Hanicum abolitum sit, Iaponia in provincias (国 kuni), deinde in districtūs (郡 gun) et deinde in villagia (里/郷 sato) funditus subdivisa erat.