Corpus Vitreum
Corpus vitreum est umor gelatinosus tralucidusque inter retinam et lentem oculi situs, qui in parte posteriore oculi fibris tenuibus retinae adhaeret.
Corpus vitreum paene totum (99%) constat ex aqua, quae acido hyaluronico et collageni fibris reticulatis textum gelatinosum fit. Corpus vitreum extrorsum visui manifestum non est.
Corpus vitreum cum aetate aquatius fit, coartatumque partim aut totum a retina laxari potest. Quod eventum ablatio corporis vitrei appellatur. Interdum insensibile est, sed saepe hominem sollicitudine afficit. Nihilo minus visui nocere non solet, nisi forte retinam findat aut evellat. In ablatione singula velut purgamenta mobilia spatium videndi transvehi solent. Purgamenta visum vexantia efficiuntur, cum sacculus corporis vitrei a capite nervi optici laxatur, quo facto in eo loco densatiuncula similis circulo fit. Etiam fieri potest, ut in margine spatii videndi emicet lux, quae fit ex trepidatione retinae, unde corpus vitreum paulatim solvitur.
Bibliographia
- Sebag, Jerry (1989) The Vitreous – Structure, Function, and Pathobiology. Springer.
- Talvensaari, Kirsti & Uusitalo, Marita (2015) Lasiaisirtauma — liikkuvia roskia ja salamointia silmässä ('Ablatio corporis vitrei — purgamenta mobilia et fulgurationes in oculo'). Duodecim 131 (24): 2363-2366.
Nexus externi
This article uses material from the Wikipedia Latina article Corpus vitreum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.