Aera Vulgaris: Numeratio annorum calendarii diffusissimi sine mentione religiosa
Aera vulgaris sive aevum vulgare est calendarium seu ratio annorum nominandorum formae a.C.n./p.C.n.
Adhibetur saepe ab eis qui aut in Christum fidem non dent, aut nomen eius scribere non velint cum necesse sit diem in fastis explicare.
Usus aerae vulgaris praefertur in nonnullis civitatibus et societatibus eruditionis, sicut American Anthropological Society. In lingua autem Anglica, C.E. pro Common Era, Current Era, et Christian Era redditur.
Haec locutiones in libris Latinis saepe sic abbreviantur: aer. vulg. (aerae vulgaris), ante aer. vulg. (ante aeram vulgarem), vel a. aer. vulg. (anno aerae vulgaris).
Primus usus Latinus in Ioannis Kepleri libro Eclogae chronicae ex epistolis doctissimorum invenitur, qui ibi anno 1615 scripsit anno æræ nostræ vulgaris et anno vulgaris æræ.
Aera communis
Quamquam minus frequentes etiam exstant locutio aera communis (aerae communis loco post Christum natum ac ante aeram communem loco ante Christum natum) et abbreviationes aer. comm. ac ante aer. comm.
Aera Dionysiana
Aera vulgaris denique etiam aera Dionysiana appellatur, de nomine auctoris sui qui erat Dionysius Exiguus. Aera Dionysiana ne confundatur cum periodo Dionysiana quae est periodus paschalis 532 annorum Iulianorum.
Tabula acronymorum in nonnullis sermonibus
Hic vides tabulam cum acronymis aerarum Christianae vulgarisque in nonnullis sermonibus (ac nexibus intervicipaedianis ab acronymis exemplarissimis?):
| Latine | a.C.n. | p.C.n. | ante aer. vulg. ante aer. comm. | aer. vulg. aer. comm. |
| Anglice | B.C., BC (B. C.) | A.D., AD (A. D.) | B.C.E., BCE | C.E., CE e.v. [era vulgaris] |
| Arabice | ق.م. | م. | ق.ح.ع. | ح.ع. |
| Batave | v.Chr. | n.Chr. | v.g.j. v.o.j. v.d.g.j. | g.j. n.o.j. n.d.g.j. |
| Catalane | aC | bC | a.e.c. a.n.e. | e.c. n.e. |
| Esperantice | a.K. | p.K. | a.K.E. | K.E. |
| Francogallice | av. J.-C. | apr. J.-C. | av. n. è. av. è. c. AEC | de n. è. è. c. EC |
| Hispanice | a. C. | d. C. | a.e.c. a.e.v. d.e.c. | e.c. e.v. |
| Iaponice | 西暦前 | 西暦 | (共通)紀元前 | (共通)紀元 |
| Islandice | f.Kr. | e.Kr. | f.o.t. | e.o.t. |
| Italiane | a.C. | d.C. | a.e.v. a.e.c. p.e.v. | e.v. e.c. |
| Neograece | π.Χ. | μ.Χ. | π.Κ.Χ. π.Κ.Ε. π.Κ.Π. | Κ.Χ. Κ.Ε. Κ.Π. |
| Norvegice | f.Kr. | e.Kr. | fvt. | evt. |
| Polonice | przed Chr. | po Chr. | p.n.e. | n.e. |
| Russice | до Р. Х. | от Р. Х. | до н. э. | н. э. |
| Sinice | 西元前 | 西元 | 公元前 | 公元 |
| Suecice | f.Kr. | e.Kr. | fvt f.v.t. f.v.t.b. | vt v.t. e.v.t. |
| Theodisce | v. Chr. (v. Chr. Geb., v. Chr. G.) | n. Chr. (n. Chr. Geb., n. Chr. G.) | v. u. Z. v. d. Z. | u. Z. n. u. Z. n. d. Z. |
Nexus interni
Notae
This article uses material from the Wikipedia Latina article Aera vulgaris, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.