426 A.c.n.
Annus 426 a.C.n.
Eventa
- Bellum Peloponnesiacum : in Sicilia, Athenienses, quibus praeerat strategus Laches, et eorum socii Mylas et Messanam subegerunt et a Syracusanis desciscentes sibi adiunxerunt. In Graecia Athenienses incursiones navales in Leucadem et Melum insulas necnon in Boeotiam et Locridem fecerunt. At Demosthenes strategus, cum Aetolos adortus in terras imprudenter progressus esset, cladem accepit atque multos hoplitas et socios amisit. Tum Lacedaemonii Eurylocho duce Naupactum, navale Atheniensium praetorium in sinu Corinthiaco, adoriri constituerunt. Cui oppido, hostibus iam ad portas stantibus, Acarnanes auxilio missi saluti fuerunt. Eodem anno Lacedaemonii novam coloniam Heracleam Trachiniam condiderunt. In Amphilochia hieme 426/5 Ambraciotae, arcessitis Peloponnesiacis et eorum duce Eurylocho, cum Acarnanis et Atheniensibus et Messeniis e Naupacto, quos ducebat strategos Demosthenes, pugnaruntː quo proelio Eurylochus occisus est et Ambraciotae tot viros amiserunt ut Thucydides existimarit hanc cladem pro civitatis magnitudine e toto bello maximam fuisse, quae quidem tam brevi temporis spatio uni civitati accidisset.
Nati
Nati huius temporis desiderati (additis natis, hanc formulam remove)
Mortui
Mortui huius temporis desiderati (additis mortuis, hanc formulam remove)
This article uses material from the Wikipedia Latina article 426 a.C.n., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.