Ульянов Александр Васильевич: коми гижысь
Шаблон:Серпасыс абу
| Ульянов Александр Васильевич | |
| Чужан лун: | 1953-ӧд вося кӧч тӧлысь 9-ӧд лун (70 арӧс) |
|---|---|
| Чужанін: | |
| Канму: | |
| Мыйся уджыс: | |
Ульянов Александр Васильевич (комиӧн — Паш Вась Ӧльӧксан, 1953—2021) — коми гижысь, журналист.
Олан туй
Александр Ульянов чужӧма Коми АССР-са Кулӧмдін сиктын 1953-ӧд вося кӧч тӧлысь 9-ӧд лунӧ. Помалӧма Дереваннӧй сиктса шӧр школа, Коми канмуса педагогика институтысь филология факультетса коми юкӧн (1975), Ленинградса вылыс партийнӧй школа (1987).
Уджавлӧма «Красное знамя» газетын корреспондентӧн, «Коми му» газетын редакторӧн. Некымын во вӧлӧма «Войвыв кодзув» журналын шӧр редакторӧс вежысьӧн.
1994-ӧд вося вӧльгым тӧлысьсянь — Коми небӧг лэдзанінын директор, 1999-ӧд вося вӧльгым тӧлысьсянь уджалӧ «Эскӧм» небӧг лэдзанінын. 2004—2011-ӧд воясӧ веськӧдлӧма «Коми му» газет редакцияӧн, кытчӧ ӧтувтісны коми кывъя нёль газет-журнал.
Кулӧма 2021-ӧд вося вӧльгым тӧлысь 23-ӧд лунӧ.
Гижан удж
Медводдза кывбуръяссӧ йӧзӧдӧма Кулӧмдiн районса «Парма гор» газетын. Сёрӧнджык кутӧма гижны проза. Висьтъясас да очеркъясас восьтӧ коми сикт вӧсна ассьыс дойсӧ, мӧвпалӧ сылӧн аскиалун йылысь. Гижӧдъяссӧ «Сельская жизнь» газет пасйӧма «Медбур очерк» нимпасын мӧд премияӧн.
1992-ӧд воын вуджӧдӧма «Челядьлы Библия» да йӧзӧдӧма «Коми му» газетын. 1994-ӧд воын Александр Ульянов пырӧма Россияса гижысь котырӧ.
Александр Ульянов унаысь вермылӧма «Эзысь борд» республикаса литературнӧй конкурсын, кодӧс вӧлі лӧсьӧдӧма Коми Республикаса каналан сӧвет да «Войвыв кодзув» журнал: «Публицистика» нимпасын вермӧма 2013-ӧд воын.
Мукӧдтор
Куимысь сійӧс бӧрйылісны веськӧдлыны Коми Республикаса журналист котырӧн.
Небӧгъяс
Комиӧн
- Ульянов А. В. Сьӧд ар: эссе, висьтъяс, повесьт. — Сыктывкар: Коми книжнӧй издательство, 1992. — 160 л.б.
- Ульянов А. В. Изъя чой: висьтъяс. — Сыктывкар: Коми небӧг лэдзанін, 2001. — 128 л.б.
- Ульянов А. В. Выль керка: висьтъяс. — Сыктывкар: «Эскӧм», 2003. — 212 л.б.
- Ульянов А. В. Олӧмыслӧн пыдӧсыс оз тыдав: повесьтъяс, висьтъяс, публицистика юкӧн. — Сыктывкар: «Эскӧм» небӧг лэдзанін, 2013. — 488 л.б.
- Ульянов А. В. Сырчик поз / Ред. А. В. Попов. — Сыктывкар: «Эскӧм» небӧг лэдзанін, 2022.
Рочӧн
- Ульянов А. В. Деревенька моя. — Сыктывкар.
- Ульянов А. В. Глубинка. — Йошкар-Ола, 2011.
Мари кывйӧн
- Ульянов А. В. Тора ял / Вуджӧдіс Евгений Садовин. — Йошкар-Ола, 2015. — 488 л.б.
Ошканпасъяс
- Коми Республикаса Веськӧдлан Котырлысь премия босьтысь «журналистика» юкӧнын (2008)
- Коми Республикаса Веськӧдлан Котырлысь И.А. Куратов нима премия босьтысь литература юкӧнын
- «Эзысь борд» премия унаысь босьтысь: «публицистика» юкӧнын (2013)
- Коми Республикаса нимӧдана уджалысь
- «Признание» творческӧй конкурслӧн «Золотое перо» нимпасын вермысь
- «Коми Республикалы 100 во» медаль (2021)
- Россияса журналист котырлӧн «Заслугаясысь» почёт пас
Ӧшмӧсъяс
Ыстӧдъяс
This article uses material from the Wikipedia Коми article Ульянов Александр Васильевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.