2015-Ӧд Во
2015 (Кык сюрс дас витӧд) во — Григорий календар серти, абу кассяна во, пансьӧ четвергсянь.
| Вояс |
|---|
| 2011 · 2012 · 2013 · 2014 — 2015 — 2016 · 2017 · 2018 · 2019 |
| Дасвояс |
| 1990-ӧд вояс · 2000-ӧд вояс — 2010-ӧд вояс — 2020-ӧд вояс · 2030-ӧд вояс |
| Нэмъяс |
| XX нэм — XXI нэм — XXII нэм |
Гажъяс
- Рочмуын — Литература во
- Коми Республикаын — Патриотизм во
Лоӧмторъяс
- тӧвшӧр тӧлысь 5—12 лунъяс — АӦШ-са Буффало карын муніс нывъяс пӧвстын хоккейысь ставмирса чемпионат, кӧні Россияса команда шедӧдіс коймӧд места. Россияса чукӧрын вӧліны «Арктик-Университет» укваса хоккей клубысь Фануза Кадирова да Лиана Ганеева.
- рака тӧлысь 14—21 лунъяс — Россия-са Сыктывкарын вӧлі Лызьӧн котралысь мастеръяслӧн Ставмирса Кубок, мый нуӧдсьӧ 1980 восянь. Р.П. Сметанина нима республикаса лызь комплексын ордйысисны 17 странаысь 842 спортсмен (Россияса 51 регионысь 630 морт, Суомиысь 38). Классика да коньки стильясын котӧртісны 30—91 арӧсаяс 5, 10, 15, 30 да 45 км вылӧ, эстафета; сетӧма 468 медаль.
- кӧч тӧлысь 13 лун — Коми Республикаса Каналан Сӧветӧ да кар-районса Сӧветъясӧ депутатъясӧс бӧрйӧм. Парламентӧ пырисны «Ӧтувъя Россия» ютырысь 26 морт, «Справедливӧй Россияысь» — 2 морт, КПРФ-ысь да ЛДПР-ысь — ӧти мортӧн.
- кӧч тӧлысь 19 лун — Москваын ФСБ да Россияса следственнӧй комитет кутіс Коми Республикаса Юралысь Вячеслав Гайзерӧс, кодӧс мыждӧны преступнӧй котыр лӧсьӧдӧмын да мошейничествоын. Сыкӧд ӧттшӧтш мыждӧны нӧшта на 18 мортӧс: сылысь вежысь Алексей Леонидович Черновӧс, Коми Республикаса Каналан Сӧветӧн веськӧдлысь Игорь Владимирович Ковзельӧс, ас вылӧ уджалысьяс Александр Зарубинӧс да Валерий Веселовӧс, Россияса Федерация Сӧветӧ вӧвлӧм пырысь Евгений Самойловӧс да мукӧдӧс. Мӧд лунас сійӧс да нӧшта 14 мортӧс арестуйтісны кык тӧлысь вылӧ.
- кӧч тӧлысь 30 лун — Рочму Федерацияса Президент Володь Путин индӧдӧн Коми Республикаса Юралысьлысь удж вӧчысьӧн пуктӧма Сергей Гапликов.
- йирым тӧлысь 31 лун — водз асывнас, 7 часын кымын, Нехель гӧгӧрын (Войвыв Синай провинцияын) усис «Когалымавиа» компаниялӧн А321 самолёт, мый лэбис Шарм-Эль-Шейхсянь (Египет) Петыркарӧ (рейс 7K 9268); куліс 224 морт, на лыдын 17 кага, 7 морт экипажсьыс. АӦШ-са разведка 2016 воын юӧртіс, мый самолёт взорвитіс «Ансар Бейт аль-Макдис» египетса котыр, мый йитчӧма Ислам канмукӧд (Рочмуын котырыс тупкӧма).
Чужисны
Кулісны
- тӧвшӧр тӧлысь 12 лун — контр-адмирал, туялысь, техническӧй наукаясса кандидат, гижысь Юлий Фомин (чужис 1928)
- тӧвшӧр тӧлысь 27 лун — Карелияысь фольклор туялысь Эйно Киуру (чужис 1929)
- тӧвшӧр тӧлысь 27 лун — коми поэт, вуджӧдчысь, Коми АССР-са школаясын нимӧдана велӧдысь Сергей Куликов (чужис 1921)
- рака тӧлысь 3 лун — коми серпасалысь, Коми АССР-са да Россияса нимйӧза серпасалысь Станислав Торлопов (чужис 1936)
- косму тӧлысь 18 лун — коми литература туялысь Валерий Мартынов (чужис 1933)
- сора тӧлысь 15 лун — коми артистка, Коми АССР-са нимйӧза артистка, Россияса нимӧдана артистка Лидия Цивилёва (чужис 1950)
- йирым тӧлысь 18 лун — Коми мулысь история туялысь, история наукаясса доктор Владимир Чупров (чужис 1942)
- вӧльгым тӧлысь 14 лун — Коми мулысь история туялысь, история наукаясса кандидат Лидия Сурина (чужис 1918)
- вӧльгым тӧлысь 25 лун — нималана коми гижысь, поэт, Коми Республикаса нимйӧза гижысь Владимир Тимин (Игӧ Вась Володь) (чужис 1937)
- ӧшым тӧлысь 8 лун — коми гижысь, драматург, журналист Александр Ларев (чужис 1930)
Ыстӧдъяс
This article uses material from the Wikipedia Коми article 2015-ӧд во, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.