Ветошкин Александр Анатольевич

Ветошкин Александр Анатольевич
	Ветошкин Александр Анатольевич
Чужан лун:	1972-ӧд вося йирым тӧлысь 17-ӧд лун (51 ар)
Чужанін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз;
Канму:	Рочму;
Мыйся уджыс:	актёр

Ветошкин Александр Анатольевич (1972) — коми артист, Коми Республикаса нимйӧза артист, Россияса нимӧдана артист.

Олан туй

Александр Ветошкин чужӧма 1972-ӧд вося йирым тӧлысь 17-ӧд лунӧ Сыктывкарын.

1992-ӧд восянь уджалӧ Коми Республикаса вужвойтырлӧн шылада-драмаа театрын: «Парма» фольклорно-этнографическӧй ансамбльын сьылысь, театрын артист-вокалист, артист-инструменталист да ворсысь.

Помалӧма Сыктывкарын искусствояс училишӧ «драмтеатрса артист» специальносьт серти, Ярославльса канму институт «драмаса театр да кино артист» специальсноьт серти (2006).

Театрын ворсысь

Коми республикаса вужвойтырлӧн шылада-драмаа театрын ворсӧ медводдза лунъяссяньыс. Некымын спектакль кежлӧ дасьтӧма шылад.

Медшӧр рольяс:

Алексей («Эзысь шабді»)
Макар Васька («Макар Васька — сиктса зон»)
Карп Жуков («Ар — гӧтрасян кад»)
Митя («Гожся вой, муслун дой»)
Лёня («Но-о, биа бордаяс»!)
Исаков («Олӧмын бужӧдъяс»)
Савӧ («Му югыдӧй менам»)
Ботан Иван («Коркӧ муса, коркӧ абу»)
Рюрик Казаринов («Пармаын вошӧм БТР»)
Михаил Степанович («Гӧтрась, пиӧ, гӧтрась»)
кoреннэй мойдысь («Ясӧвӧй»)
Кӧин («Ручильӧй да Кӧчильӧй»)
Прокопий («Прoщай, любовь?!»)

Мукӧд тор

Александр Ветошкин тӧдса кыдзи коми йӧзкостса шылада инструментъяс вӧчалысь. Пырӧ Коми Республикаса мастеръяс котырӧ.

Наградаяс

«Коми Республикаса нимӧдана артист» ним (2007)
«Коми Республикаса нимйӧза артист» ним (2017.01.23 лунӧ) («культура да искусство юкӧнын торъя заслугаясысь»)
«Эзысь шабді» спектакльысь Театрса искусство да драматургия юкӧнын В.А. Савин нима Коми Республикаса канму премия босьтысь (1999)
«Зарни кодзув» С. Ермолин нима премия босьтысь
Фольклор театръяслӧн «Русский остров» войтыркостса фестивальын (Москва) «Эзысь шабді» спектакльын Ӧльӧш роль ворсӧмысь «Мужичӧйлӧн медбур роль» нимпасын диплом босьтысь
Коми Республикаса Веськӧдлан котырлӧн премия босьтысь «Ясӧвӧй» спектакльысь (2012)
Коми Республикаса Почёта грамота (2002)
«Коми Республикалы 90 во» Почёта пас (2012)
Россияса нимӧдана артист (2023) (Россияса президентлӧн 797-№а Указ, 23.10.2023)

Ӧшмӧсъяс

Ыстӧдъяс

This article uses material from the Wikipedia Коми article Ветошкин Александр Анатольевич, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.