Коми Асср
Коми Асвеськӧдлан Сӧветскӧй Социалистическӧй Республика (рочӧн: Коми Автономная Советская Социалистическая Республика; дженьыда, рочӧн: Коми АССР) — РСФСР-ын рытыв-войвылын 1936—1990 воясӧ асвеськӧдлан республика.
Коми АССР-лӧн юркарӧн вӧлі Сыктывкар.
История
Коми Асвеськӧдлан Сӧветскӧй Социалистическӧй Республика (Коми АССР) вӧлі лӧсьӧдӧма СССР-са Оланподув серти РСФСР-ын Коми (Зыряна) асвеськӧдлан обласьт подув вылын 1936 вося ӧшым тӧлысь 5 лунӧ.
Медыджыд каръяс: Сыктывкар, Вӧркута, Инта, Печӧра, Уква.
Айму вӧсна Ыджыд тышӧдз дугдытӧг муніс районъяс артмӧдан удж. 1939 воын Сыктывдін районысь вӧлі торйӧдӧма Кӧрткерӧс район. Шойнаты районысь Кӧрткерӧс районӧ вӧлі сетӧма Пезмӧг сиктсӧвет.
1939 воын жӧ чинталӧма Емдін район. Некымын сиктсӧвет вӧлі сетӧма сӧмын на артмӧдӧм Железнодорожнӧй районӧ.
Юклӧм
Коми АССР артмӧдігӧн вӧлі лӧсьӧдӧма 12 район:
- Емдін район
- Изьва район
- Кулӧмдін район
- Летка район
- Луздор район
- Мылдiн район
- Сыктыв район
- Сыктывкар район
- Удора район
- Усвавом район
- Чилимдiн район
- Шойнаты район
Олысь лыд
1939 вося Йӧзӧс гижалігӧн Коми АССР-ын 72,5 % олысьыс коми (231 301 морт). Налӧн лыдын вочасӧн содіс мукӧд воас, но став олысь пиын налӧн процент лыдыс чиніс. 1989 воын Коми АССР-ын оліс 1 250 847 морт, на пиысь рочьяс — 721 780 морт (57,7 %), комияс — 291 542 морт (23,3 %).
Видзӧдӧй сідзжӧ
Ӧшмӧсъяс
Ыстӧдъяс
This article uses material from the Wikipedia Коми article Коми АССР, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.