Зыряна Асвеськӧдлан Обласьт Коми
Коми (Зыряна) асвеськӧдлан обласьт (рочӧн Автономная область Коми (Зырян)) — РСФСР-лӧн рытыв-войвылын веськӧдлан мутас 1921—1936 воясӧ.
История
Коми (Зыряна) асвеськӧдлан обласьт вӧлі лӧсьодӧма 1921 вося моз тӧлысь 21 лунӧ РСФСР-ын Кардор да Войвыв Двина губерняяслӧн асыввыв юкӧнъясысь. Сылӧн веськӧдлан шӧринӧн лои Усть-Сысольск кар. Обласьтӧ пырисны Усть-Сысольск уезд ставнас, Яренск уездысь 21 вӧлӧсьт, Изьва-Печора уезд (Печора уездлӧн унджык юкӧныс). Неуна сёрӧнджык, 1923 воын обласьтӧ сетісны Перым губернияса Чердін уездысь Печора йывса вӧлӧсьтъяс (Мылдін, Савинобор, Тшугӧр), а 1929 воын Коми обласьт дорӧ йитісны Придаш вӧлӧсьт да Чилимдiн.
1922 воын обласьт вӧлі юкӧма 4 уезд вылӧ: Изьва-Печора уезд, Емдін уезд, Кулӧмдін уезд, Усть-Сысольск уезд. 1926 воын Усть-Сысольск уезд кутіс шусьыны Сыктыв уездӧн.
Ӧшмӧсъяс
- Территориальное и административное деление Союза ССР на 1-е января 1926 года. – М.: Главное управление коммунального хозяйства НКВД, 1926. 284 с. (тираж 4000)
- Всесоюзная перепись населения 1926 г. РСФСР и ее регионы. Населенные места. Наличное городское и сельское население.]
- История административного-территориального деления Архангельской области и губернии в XVIII—XX вв. // Государственный архив Архангельской области
- Постановление ВЦИК от 2 марта 1932 года «Об изменениях в административно-территориальном делении Северного края»
This article uses material from the Wikipedia Коми article Коми (Зыряна) асвеськӧдлан обласьт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.