Шаблон:Серпасыс абу
Костромина Ия Николаевна | |
Чужан лун: | 1931-ӧд вося тӧвшӧр тӧлысь 4-ӧд лун |
---|---|
Чужанін: | |
Кулан кад: | 2012-ӧд вося косму тӧлысь 3-ӧд лун (81 ар) |
Куланін: | |
Мыйся уджыс: |
Костромина Ия Николаевна (комиӧн – Микол Ия, 1931—2012) — коми кыв туялысь.
Ия Костромина чужӧма 1931-ӧд вося тӧвшӧр тӧлысь 4-ӧд лунӧ Коми АССР-ын (ӧні – Коми Республика) Емдін районса Лыаты грездын. 1951-ӧд воын помалӧма Емдінса педагогика училишӧ. Уджалӧма Помӧсдін районса (ӧні – Кулӧмдін районын) подув школаясын. 1958-ӧд воын помалӧма Коми канмуса педагогика институтысь история-филология факультет да уджалӧма шӧр школаясын. 1966–1967 воясын – Коми АССР-са Совминын архив юкӧнын старшӧй инспектор.
1967-ӧд вося ӧшым тӧлысьын пырӧма уджавны СССР-са наукаяс академиялӧн Коми филиалӧ кыв да литература юкӧдӧ. Пенсия вылӧ петӧма 1986-ӧд воын.
Кулӧма 2012-ӧд вося косму тӧлысь 3-ӧд лунӧ Сыктывкар улӧ пырысь Улыс Чов посёлокын пӧрысьяслӧн керкаын.
Ия Костромина туялӧма коми кыв туялӧмлысь история, кыв артмӧм да гижанног. Йӧзӧдӧма 40 сайӧ удж. Пуктӧма пай кывкудъяс дасьтӧмӧ, чукӧртӧма материал, медым йӧзӧдны «Краткий этимологический словарь коми языка (авторъяс – Илля Вась да Е. С. Гуляев). Чукӧртӧма материал Иван Куратовлысь небӧгсӧ йӧзӧдӧм вылӧ (1979). Гижӧма торъя юкӧн «Ӧнія коми кыв. Кыв артмӧм» небӧгын (1985). 1974-ӧд восянь 1998-ӧд воӧдз корсьӧма коми кывйысь XIX нэмся уджъяс.
This article uses material from the Wikipedia Коми article Костромина Ия Николаевна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мӧдтор кӧ абу индӧма, контентыскӧд позьӧ тӧдмасьны CC BY-SA 4.0 лицензия серти. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Коми (DUHOCTRUNGQUOC.VN) is an independent company and has no affiliation with Wiki Foundation.