Мюзикл

Сюжетле кёбюсюне белгили адабият чыгъармаланы, дуния драматургияны тамалында салынадыла (Бернард Лоуну «Мени ариу ледим», Шекспирни «Мени уппа эт, Кэт!», Сервантесни «Ламанчиден адам», Диккенсни «Оливери!» Бла «Ачыкъ эшиклени кечеси»). Мюзиклге кёб тюрлю жанрны уллу эткиси болгъанды: опереттаны, комедиялыкъ операны, водевилни, бурлескни. Айры жанр кибик кёб заманны танылмагъанды.

Сахнада салыуда мюзикл къыйын болгханы ючюн, багъалыгъа саналады. Бродвейдеги кёб мюзикл кеслерини спецэффектлери бла белгилидиле, ала стационар мюзикл болуб талай джылны салыныб, къараучуланы ичинде махтау табса, болургъа мадар табадыла.

Мюзикл — театрны эм бек ачха келтирген жанрларындан бириди. Бу аны тамашалы, кёз ачыучу болгъаны ючюндю.

Шекилине кёре мюзикл кёбюсюне эки актлы спекталь болуучанды.

Мюзиклни аллында кёб тюрлю дженгил жанр болгъанды, алада варьете шоу, француз балет эмда драма интерлюдия къатышханды. 1866 джылны сентябрында Нью-Йоркда «Black Crook» салыннганды, анда романтикалы балет, мелодрама эмда башха жанрла бир-бирине къатышхандыла. Бу спектакль джангы жанрны башлангычы саналады. Ингилиз продюсер Джордж Эдвардс кесини хитлерини бирин, «Хористканы» музыкалы комедия деб ангылатханды. Музыкалы комедия деб тамаша, кёз ачыу кёргюзюудю, анда сюжет тюл, публика сюйген джырчыла салгъан вокал номерледиле. Эдварсны салыулары Нью-Йоркда уллу махтау табханды, эмда XX ёмюрню аллына дери джангы жанрда моданы ингилиз тамашачыла салгъандыла.

Биринчи дуния къазауатны аллында джыллада фахмулу эмигрантла Херберт, Фримль, Ромберг эмда башхала Америкада мюзиклны айныууна кючлю импульс бергендиле. 20-30-чу джыллада, Джером Керн, Джордж Гершвин, Кол Портер кибик джангы американ композиторланы келиую бла мюзикл керти американ халны алгъанды. Либретто къыйыныракъ болгъанды, макъамларында джазны, рэгтаймны эсиулери ангыланнганды, джырлада американ айланрдырыула чыкъгъандыла. Мюзиклден чыкъгъан кёб джыр классика болгъанды. 1932 джылда композитор Гершвин тарихде биринчи кере, «Сени юсюнгден джырлайма» («Of Thee I Sing», 1931) мюзиклы ючюн Пулитцер премияны алгъанды .

Роджерса бла II Хаммерстайнны ортакъ ишлеулеринде быллай белгили сахна салыула чыкъгъандыла: «Оклахома!» («Oklahoma!», 1943), «Карусель» («Carousel», 1945), «Шош океанны къыбыласы» («South Pacific», 1949), ала драматургиясыны мийик дараджасы бла айрылгъандыла. Эмда публика бек джаратыб къарагъанды.

Экинчи дуния къазауатдан сора мюзикллени фабуласы оюмлуракъ, къатыракъ болады, Леонард Бернстайнни «Вестсайд хапары» («Westside story», 1957) кибик мюзикл салынады. Аны тамалында Шекспирни «Ромео бла Джульетта» трагедиясы салынады, алай а хапар мюзиклни заманындагъы Нью-Йоркда барады. Тепсеулени экспрессиялыгъы, мюзиклледе хореографияны оруну ёсгенин белгилейди.

60-чы джыллына ахырында джангы музыкалы стиллени эткиси бла мюзиклни ангыламында тюрлениуле боладыла. «Чачла» («Hair», 1967) спектаклде ол заманда модада болгъан хиппи идеяла орун аладыла. 70-чи джылладан башлаб спекталлени санлары азаяды, алай а декорацияла эмда костюмла багъалы, агъачлы боладыла. Мюзикл ангыламда терен тюрлениу, композитор Эндрю Ллойд Уэббер бла либретточу Тим Райсны «Иисус Христос — суперджулдуз» («Jesus Christ Superstar»1971) спектакль этеди. «Эвита» («Evita», 1978) мюзиклни оюмлу, къаты магъанасы жанр къуралыуундан бери къаллай уллу джолну этгенине шагъатлыкъ этеди. Уэбберни «Киштикле» («Cats», 1981) мюзикли джарыкъ, эсде къалгъан сыфатланы къурайды. Музыкасында киштик интонацияла таныладыла, тепсеулери пластикадан толудула. .

Мюзикллени ингилиз-американ монополиясы 1985 джылда бошалады, ол заманда Лондонда, Виктора Гюго «Эрек этилгенле» («Les Miserables») романыны тамалында француз мюзикл салынады. Авторлары композитор Клод Мишель Шонберг либретточу Ален Бублиль болгъандыла. Мюзикл жанрны мийик дараджасын «Мисс Сайгон» («Miss Saigon»), Пуччинини «Мадам Баттерфляй» операсын джангыртылыуу шагъатлыкъ этеди.

Бродвей мюзиклле

Жанргъа дуния белгиликни бродвей мюзикле бергендиле.

• Threepenny Opera, The / «Юч пенсли опера»: музыкасы: Курт Вайль, либреттосу: Бертольт Брехт («Юч пенсли романнга» кёре)(1933)
• My Fair Lady / «Мени ариу ледим»: музыкасы: Фредерик Лоу, либреттосу эм джыр текстлери: Алан Джей Лернер (1956)
• Sound of The Music / «Музыканы макъамы» музыкасы: Ричард Роджерс, либреттосу: Ховард Линдсей & Рассел Круз, джыр сёзлери: Оскар Хаммерстайн (1959)
• Oliver! / «Оливер!»: музыкасы, либреттосу эм джыр сёлери: Лайонел Барт (1960)
• Hair / «Чачла» музыкасы: Гэлт МакДермот, либреттосу: Джеймс Рэйдо (1968)
• Jesus Christ Superstar / «Иисус Христос — суперджулдуз» музыкасы: Эндрю Ллойд-Уэббер, джыр сёзлери: Тим Райс (1970)
• Chicago / «Чикаго» / музыкасы: Джон Кэндер, либреттосу: Боб Фосс, Фред Эбб (1975)
• Les Miserables / «Эрек этилгенле»: музыкасы: Клод-Мишель Шонберг, либреттосу: Ален Бублиль (1980)
• Cats / «Киштикле» музыкасы: Эндрю Ллойд-Уэббер, либреттосу: Т. С. Элиот (1981)
• 42nd Street / «42-чи орам»: музыкасы: Гарри Уоррен, джыр сёзлери: Эл Дабин, либреттосу: Марк Брэмбл и Майк Стюарт (1981)
• Phantom of the Opera, The / «Операны фантому» музыкасы: Эндрю Ллойд-Уэббер, либреттосу: Ричард Стилгоу эм Эндрю Ллойд-Уэббер, джыр сёзлери: Чарльз Харт (1986)
• Jekyll & Hyde / «Джекилл бла Хайд» музыкасы: Фрэнк Уайлдхорн, либреттосу бла джыр сёзлери: Лесли Брикэсс (1989)
• Producers, The / «Продюсерле» / музыкасы: Мел Брукс, либреттосу: Мел Брукс
• How to succeed in business Without Really Trying / «Джукъ этмегенлей бизнесде къалай джетишимле болургъа боллукъду»

Француз мюзиклле

Францияда аллында мюзиклле башха джол бла баргъандыла: ала аллай тамашалыкъ болмагъандыла эмда бродвейдегиледен декорациялары азыракъ, учуз болгъанды, ала джырчыланы концертине бек ушагъандыла. Быллай мюзиклни юлгюсюне Риккардо Коччанте бла Люк Пламондонну Notre-Dame de Paris спектаклиди. Заман бла адамланы джаратханлары тюрленнгенди эмда арт джыллада Франция кёз къаматхан, тамаша мюзиклле сала башлагъандыла, сёз ючюн, Romeo et Juliette, Autant en Emporte le Vent, Le Roi Soleil кибикле.

• Starmania / «Стармания»: музыкасы: Мишель Берже, либреттосу: Люк Пламондон (1979)
• Misérables, Les / «Эрек этилгенле»: музыкасы: Клод-Мишель Шонберг, либреттосу: Ален Бублиль (1980)
• La legende de Jimmy / «Джиммини юсюнден джомакъ»: музыкасы: Мишель Берже, либреттосу: Люк Пламондон (1990)
• Sand et les Romantiques / «Жорж Санд эм романтикле» (1991)
• Vu D’en Haut / «Башындан кёрюнюм» (1991)
• La vie en bleu / «Кёксюлде джашау» (1996)
• Nôtre-Dame de Paris / «Нотр-Дам де Пари»: музыкасы: Риккардо Коччанте, либреттосу: Люк Пламондон (1998)
• Da Vinci / «Да Винчи» (2000)
• Romeo et Juliette / «Ромео бла Джульетта»: музыкасы: Жерар Пресгурвик, либреттосу: Жерар Пресгурвик (2000)
• Les Mille Et Une Vies D’Ali Baba / «Али Бабаны минг бла бир джашауу»: музыкасы: Chatel Aboulker (12 июнь 2001)
• Les Dix Commandements / «10 парыз»: музыкасы: Паскаль Обиспо (2001)
• Le Petit Prince / «Гитче принц»: музыкасы: Риккардо Коччанте, либреттосу: Элизабет Анаис (2002)
• Tristan et Yseult / «Тристан бла Изольда»: либреттосу: Jacques Francois Berthel (2002)
• Emilie Jolie / «Эмили Жоли»: (2002)
• Autant en Emporte le Vent / «Джел алгъанла»: музыкасы: Жерар Презгурвик (2002)
• Don Juan / «Дон Жуан»: музыкасы: Феликс Грей (3 август 2003)
• Le Roi Soleil / «Кюнлю Король»: музыксыа: Альберт Коэн, либреттосу: Эли Шураки (2005)
• Dracula, Entre l’amour et la mort / «Дракула: сюймеклик бла аджалны арасында»: музыкасы: Симон Леклер, либреттосу: Роже Табра (2005)- францз тилде Канадада салыннганды
• Graal / «Грааль»: музыкасы: Catherine Lara (2005)
• Cléopâtre, la dernière reine d’Egypte /«Клеопатра, Мисирни ахыр патчах бийчеси»: (2009)
• Mozart — L’Opera Rock/ «Моцарт. Рок-опера»: (2009)

Австрий мюзикле

• Elisabeth / «Элизабет»: музыкасы: Сильвестр Левай, либреттосу: Михаэль Кунце (1992)
• Tanz der Vampire / «Вампирлени тепсеую»: музыкасы: Джим Стейнман, либреттосу: Михаэль Кунце (1997)
• Mozart! / «Моцарт!»: музыкасы: Сильвестр Левай, либреттосу: Михаэль Кунце (1999)
• Rebecca / «Ребекка»: музыкасы: Сильвестр Левай, либреттосу: Михаэль Кунце (2006)

Азербайджан мюзиклле

• «Аршин мал алан» Узеир Гаджибековну ахыр эмда эм белгили опереттасы. 1913 джылда Санкт-Петербургда джазылгъанды. Премьерасы 1918 джылда Зейналабдин Тагиевни театрында болгъанды
• «Onun üreyi («Аны джюреги»)» - суратлау-музыкалы фильм (Таурух-мюзикл);режиссеру - Самира Керимоглу. .

• Варьете
• Водевиль
• Комедиялыкъ опера
• Оперетта
• Музыкалы фильм
• Мюзик-холл