Libreoffice
LibreOffice (បញ្ចេញសម្លេងជា /ˌliː.brəˈɒ.fɪs/) គឺជាឈុតកម្មវិធីការិយាល័យមួយ ដែលជាកំណែក្រោយ និងជាឈ្មោះថ្មីរបស់កម្មវិធី OpenOffice.org ។ ហើយ LibreOffice គឺជាគម្រោងរបស់ក្រុម The Document Foundation ដែលជាគម្រោងថ្មីបន្ទាប់ពីគម្រោង OpenOffice.org ដែលត្រូវបាន Oracle ទិញផ្ដាច់មុខ។ នៅពេលបច្ចុប្បន្ន ក្រុមអ្នកអភិវឌ្ឍន៍គម្រោង OpenOffice.org នានាបាននាំគ្នាមកអភិវឌ្ឍលើ LibreOffice ជំនួសវិញ។ LibreOffice ក៏ជាប្រភេទកម្មវិធីកូដបើកចំហផងដែរ។ កម្មវិធីនេះអាចប្រើបាននៅលើប្រព័ន្ធប្រតិបត្តិការទាំងបីគឺ៖ Mac OS X, Linux, Windows។
 | |
 ទីកន្លែងចាប់ផ្ដើមនៃ LibreOffice 3.4.0 | |
| អ្នកអភិវឌ្ឍ | The Document Foundation |
|---|---|
| ចេញផ្សាយដំបូង | 25 January 2011 |
| ស្ថានភាពអភិវឌ្ឍ | សកម្ម |
| សរសេរក្នុង | C++, ភាសា Java |
| ប្រព័ន្ធប្រតិបត្តិការ | លីនុច Unix Mac OS X BSD Windows |
| Platform | Cross-platform |
| មានជា | ពហុភាសា |
| ប្រភេទ | ឈុតកម្មវិធីការិយាល័យ |
| អាជ្ញាបណ្ណ | GNU LGPLv3 |
| គេហទំព័រ | [១] |
កម្មវិធីអនុវត្តដែលមានបញ្ចូលមកស្រាប់
ផ្នែកកម្មវិធីរបស់ LibreOffice មានដូចទៅនឹងផ្នែករបស់ OpenOffice.org ផងដែរ, ដែលមានដូចជា៖
- LibreOffice សំណេរ គឺជាកម្មវិធីសម្រាប់វាយអត្ថបទ (word processor) នៅក្នុង LibreOffice, ដែលមានក្បួនប្រើប្រាស់ស្រដៀងទៅនឹង Microsoft Word ឬ WordPerfect ហើយប្រភេទឯកសាររបស់ LibreOffice ក៏អាចបើកបាននៅក្នុង Microsoft Word ឬ WordPerfect ដែរ។ វាក៏មានសភាពលក្ខណៈដូចទៅនឹង ឧបករណ៍កែសម្រួល WYSIWYG ដែរ។
- LibreOffice Calc គឺជាកម្មវិធី សៀវភៅបញ្ជី (spreadsheet) ដែលស្រដៀងទៅនឹង Microsoft Excel ឬ Lotus 1-2-3 ដូច្នោះដែរ។ ហើយកម្មវិធីនេះក៏មានលក្ខណៈពិសេសប្លែកៗមួយចំនួនផងដែរ, ដែលមានរួមបញ្ចូលទាំងប្រព័ន្ធ កំណត់ក្រាបដោយស្វ័យប្រវត្តិ ដោយពឹងផ្អែកទៅលើព័ត៌មានដែលមាន។ LibreOffice Calc នៅមានក្បួនមួយហៅថា "Solver" តែវាមានលក្ខណៈខុសប្លែកពីនៅក្នុង OpenOffice.org តែបន្តិចបន្តួចប៉ុណ្ណោះ។[ត្រូវការអំណះអំណាង]
- LibreOffice Impress គឺជាកម្មវិធីធ្វើបទបង្ហាញ ដែលប្រហាក់ប្រហែលទៅនឹង Microsoft Powerpoint។ អត្ថបទបទបង្ហាញ អាចនាំចេញជាឯកសារប្រភេទ SWF, អាចមើលបាននៅលើគ្រប់កុំព្យូទ័រ ដែលបានដំឡើង Adobe Flash រួចហើយ។ LibreOffice Impress ក៏មានបញ្ចូលនូវសភាព 3D transition ផងដែរ។[ត្រូវការអំណះអំណាង]
- LibreOffice Base គឺជា កម្មវិធីគ្រប់គ្រងមូលដ្ឋានទិន្នន័យ ដែលស្រដៀងទៅនឹង Microsoft Access។ LibreOffice Base អនុញ្ញាតឲ្យបង្កើត និង គ្រប់គ្រងមូលដ្ឋានទិន្នន័យ, ការរៀបចំបែបបទ (form) ដែលផ្ដល់ឲ្យអ្នកប្រើប្រាស់ងាយស្រួលក្នុងការចូលទៅកាន់ទិន្នន័យ។ ដូចទៅនឹង Access ដែរ កម្មវិធីនេះអាចប្រើជាផ្នែកខាងមុខ (front-end) សម្រាប់ប្រព័ន្ធ មូលដ្ឋានទិន្នន័យផ្សេងៗ, ដែលមានរួមបញ្ចូលដូចជាមូលដ្ឋានទិន្នន័យរបស់ Access (JET), ប្រភពទិន្នន័យ ODBC, និង MySQL ឬ PostgreSQL។
- LibreOffice Draw គឺជា កម្មវិធីកែសម្រួលក្រាហ្វិកវ៉ិកទ័រ និងជាកម្មវិធីគូសដ្យាក្រាម ស្រដៀងទៅនឹងកម្មវិធី Microsoft Visio ដែរ ហើយអាចប្រៀបផ្ទឹមលក្ខណៈពិសេសទៅនឹងកំណែដំបូងរបស់ CorelDRAW។ កម្មវិធីនេះផ្ដល់នូវចំណុចប្រទាក់រវាងរូបសណ្ឋាន (shape) មួយៗ, ដែលមាននៅក្នុងទីតាំងរចនាបឋបន្ទាត់ និង ជួយសម្រួលដល់ការគូរសំណង់ ដូចជា flowcharts ជាដើម។ ហើយក៏មានរួមបញ្ចូលនូវលក្ខណៈពិសេសមួយចំនួន ស្រដៀងទៅនឹងកម្មវិធីផ្សព្វផ្សាយ ដូចជា Scribus និង Microsoft Publisher។
- LibreOffice Math គឺជាកម្មវិធីដែលត្រូវបានរចនាឡើង ដើម្បីសរសេរ ឬ កែសម្រួលរូបមន្តគណិតវិទ្យា។ កម្មវិធីនេះប្រើនូវ variant របស់ XML ដើម្បីបង្កើតរូបមន្ត ដូចដែលបានកំណត់នៅក្នុង OpenDocument ។ រូបមន្តទាំងនេះអាចនឹងត្រូវបានភ្ជាប់ចូលទៅក្នុងឯកសារអត្ថបទផ្សេងៗ នៅក្នុងឈុតកម្មវិធី LibreOffice ដូចជាឯកសារដែបង្កើតដោយ Writer ឬ Calc, ដោយធ្វើការបង្កប់រូបមន្តនោះទៅក្នុងឯកសារអត្ថបទទាំងនោះ។
LibreOffice មានភ្ជាប់មកជាមួយឧបករណ៍បង្កើត PDF និងឧបករណ៍ នាំចូល PDF ។
ឯកសារយោង
This article uses material from the Wikipedia ភាសាខ្មែរ article LibreOffice, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ខ្លឹមសារអត្ថបទប្រើប្រាស់បានក្រោមអាជ្ញាបណ្ឌCC BY-SA 4.0 លើកលែងតែមានបញ្ជាក់ផ្សេងពីនោះ។ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ភាសាខ្មែរ (DUHOCTRUNGQUOC.VN) is an independent company and has no affiliation with Wiki Foundation.