Бүйректің Созылмалы Жетіспеушілігі
Бүйректің көптеген созылмалы ауруы нәтижесінде бөліп шығару қызметі бірте-бірте төмендеп организмде азот қалдықтары жинала бастайды.
Осыған байланысты белок және электролит алмасу, қышқылды-негізді тепе-теңдік бұзылып уремия дамиды.
Патологиялық анатомиясы
Өлген адамның терісі бозғылт-сұр түсті болып, оның беті ұн сеуіп қойғандай ақтаңдақтанып көрінеді, сонымен қатар теріде қызыл бөртпелер немесе қасыну іздері табылады. Ішкі ағзаларды ашып көргенде олардан несеп исі сезіледі, себебі азот қалдықтары организмде тек жиналып қалмастан басқа ағзалар арқылы бөлініп шыға бастайды және олардың қабынуына әкеп соқтырады.
Ішек-қарын жолында: фарингит, гастрит, энтероколит,әсіресе дифтералық қолит жиі кездеседі. Тыныс жүйесінде ларингит, трахеит, пневмония табылады. Өкпе ісігі уремияға тән белгілердің бірі болып есептеледі. Бұл қабынулар фибринозды немесе фибринозды-геморрагиялық қабыну түрінде өтеді.
Жүректе дистрофиялық өзгерістермен қатар уремиялық миокардит, мүйелді эндокардит, фибринозды перикардит дамиды. Мида уремиялық энцефалит және майда жұмсаған ошақтар табылады. Бауырда дистрофиялық өзгерістер көрінеді.
Дереккөздер
This article uses material from the Wikipedia Қазақша article Бүйректің созылмалы жетіспеушілігі, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.