Мал Ауласы

Мал ауласы
Animal Farm
Жанр	Сатира
Авторы	Джордж Оруэлл
Түпнұсқа тілі	ағылшын тілі
Жазылған жыл	қараша 1943 — ақпан 1944
Жариялануы	17.08.1945
Баспагер	Harvill Secker
Келесі	1984

Шығармада үй жануарлары ферманың қожайынын қуып шығарып, өз заңдарын орната бастайды. Бірақ бірте-бірте фермадағы шексіз бостандық диктатураға айнала бастайды.

Автордың айтуынша, повестің сюжетіне 1917 жылғы революция және оның сталинизмге ұласуы негіз болған деуге болады.

Time журналы «Мал ауласын» 100 үздік ағылшын тілді роман тізіміне енгізді. Ал Би-Би-Си оны оқып шығуға лайық кітаптардың тізімінде 46-шы орынға орналастырды.

Шығарма көптеген қанатты сөздердің пайда болуына әкелді. Мысалы:

Барлық жануарлар өзара тең. Бірақ кейбір малдар өзгелерден гөрі одан сайын тең болады.
(All animals are equal, but some animals are more equal than others.)

Ішкіш фермер мистер Джонстың шаруасы жүрмей, тоқыраңқырап қалған. Қарт Майор есімді шошқа фермадағы малдарды шақырып, жиналыс өткізеді. Онда жануарлардың әнұраны орындалып, адамдардың өктемдігінен азат болу жолдары талқыланады. Қарт Майор өлгеннен кейін басқа шошқалар революцияны жүзеге асыруды ойластыра бастайды. Бір күні Джонс малдарға жем беруді ұмытып кетеді, бұл революцияның басталуына жол ашады...

Жануарлар

• Қарт Майор (Old Major) — фермадағы революцияға рух берген кәрі шошқа.
• Наполеон (Napoleon) — төңкерістен кейін билікті қолға алған агрессивті шошқа, репрессияларды иттердің көмегімен жүзеге асырады.
• Сноуболл (Snowball) — революцияны бастаған шошқалардың бірі, Наполеонмен жиі дауласқан.

 

• Шаңқылдақ (Squealer) — үгіттеуші торай.
• Минимус (Minimus) — ақын шошқа.
• Боксёр (Boxer) — қашан да ауыр жұмыстарға жегілетін жылқы.
• Кловер (Clover) — Боксёрдің жанында жүретін бие.
• Молли (Mollie) — жұмыстан қашатын жылқы.
• Мюриель (Muriel) — сауатты ешкі.
• Мозус (Moses) — қолға үйретілген қарға, ауладағы ең кәрі жануар, бірақ малдар оны жек көреді.
• Бенджамин (Benjamin) — кәрі есек.
• Қойлар — Наполеон мен Шаңқылдақтың соңынан ере беретіндер.
• Иттер — революцияның қарауылшылары.

Адамдар

• Мистер Джонс (Mr. Jones) — ферманың қожайыны.
• Мистер Фредерик (Mr. Frederick) — көрші ферманың иесі, Джонстың фермасын тартып алуға тырысқан.
• Мистер Пилкингтон (Mr. Pilkington) — тағы бір фермер.
• Мистер Уимпер (Mr. Whymper) — заңгер.

• Animal Farm