ვენესუელა ბარსელონა
ბარსელონა — ქალაქი ვენესუელაში, ანსოატეგის შტატის დედაქალაქი.
დაარსდა 1671 წელს. პუერტო-ლა-კრუსთან, ლეჩერიასთან და გუანტასთან ერთად ქმნის ვენესუელის ერთ-ერთ უმნიშვნელოვანეს ურბანულ არეალს 950 000 მცხოვრებით.
| ქალაქი | |||||
|---|---|---|---|---|---|
| ბარსელონა Barcelona | |||||
 ბარსელონის საკათედრო ტაძარი | |||||
| |||||
| ქვეყანა |  ვენესუელა | ||||
| შტატი | ანსოატეგი | ||||
| კოორდინატები | 10°04′00″ ჩ. გ. 64°43′00″ დ. გ. / 10.06667° ჩ. გ. 64.71667° დ. გ. | ||||
| მმართველი | Guillermo Martínez Vílchez | ||||
| დაარსდა | 1671 წ | ||||
| ფართობი | 76,5 კმ² | ||||
| ცენტრის სიმაღლე | 13 მ | ||||
| მოსახლეობა | 950 000 კაცი (2009) | ||||
| სასაათო სარტყელი | UTC-4 | ||||
| სატელეფონო კოდი | 0281 | ||||
| საფოსტო ინდექსი | 6001 | ||||
| ოფიციალური საიტი | http://alcaldiasimonbolivar.gob.ve/ | ||||
  | |||||
.svg)
.png)
ქალაქი მდებარეობს ანსოატეგის შტატის შიდა ნაწილში, ვენესუელის ჩრდილოეთ სანაპიროს გასწვრივ, დასავლეთ კორდილიერის რეგიონის მთისწინეთის სიახლოვეს. მისი ჩრდილოეთი, ოკეანის სანაპირო გამოირჩევა პლაჟების სიუხვით, რაც საკმაოდ მნიშვნელოვანია ადგილობრივი ტურიზმის ინდუსტრიაში. ბარსელონა წარმოადგენს მოჩიმის ეროვნული პარკის ერთგვარ შესასვლელს, რომელიც გამოირჩევა კუნძულების სიუხვით, რომლებიც ეროვნულ მონუმენტებადაა გამოცხადებული.
ბარსელონის ჰიდროგრაფიაში წამყვანი ადგილი უკავია მდინარე ნევერის, რომელიც ქალაქის ცენტრზე გაივლის და რომელიც ცნობილია სეზონური დატბორვებით წყალუხვობის პერიოდში. 1972 წელს დატბორვებისგან თავდაცვის მიზნით აიგო სპეციალური არხები.
პუერტო-ლა-კრუსისგან განხსვავებით, რომელიც ძირითადად XX საუკუნეში აიგო, ბარსელონაში წარმოდგენილია ისტორიული და თანამედროვე არქიტექტურის ნარევი, რაც მისი ზრდისა და განვითარების მრავალი წლითაა განპირობებული. დასახლება ნუევა-ბარსელონა-დელ-სერო-სანტო (ესპ. Nueva Barcelona del Cerro Santo — წმინდა მთის ახალი ბარსელონა) თავდაპირველად ესპანელმა კონკისტადორმა, ხუან ორპიმ დააარსა. შემდგომში, 1671 წელს იგი ხელახლა იქნა დაარსებული და დასახლებული გუბერნატორ სანჩო ფერნანდეს დე ანგულოს მიერ, თავდაპირველი დასახლებიდან და კატალონიელი კოლონიზატორების პატარა სამოსახლოდან ორი კილომეტრის მოშორებით. ბარსელონა წარმოადგენდა ნუევა-ანდალუსიის ერთ-ერთ პროვინციას. ამ პერიოდის დღემდე შემორჩენილი ერთ-ერთი შენობაა ანსოატეგის მუზეუმი, რომელიც უძველესია ქალაქში.
ბარსელონის ისტორიული არეალები განლაგებულია მისი მთავარი მოედნების — ბოლივარის, მირანდასა და ბოიაკას ირგვლივ.
იხილეთ აგრეთვე
რესურსები ინტერნეტში
ლიტერატურა
- Dydyński, Krzysztof; Beech, Charlotte (19). Venezuela, გვ. 244–246. ISBN 1-74104-197-X.
- Dalton, Leonard V. (1912). Venezuela: The South American Series. London, England, გვ. 193–203. ციტირების თარიღი: 20 იანვარი 2011.
სქოლიო
This article uses material from the Wikipedia ქართული article ბარსელონა (ვენესუელა), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.