Atari Jaguar — მეხუთე თაობის სახლის ვიდეო თამაშების კონსოლი, შექმნილი და გამოცემული Atari Corporation-ის მიერ.
დაანოსდა 1993 წლის აგვისტოში, Chicago Consumer Entertainment Show-ზე.Jaguar იყო Atari-ის მიერ შემუშავებული რიგით მეექვსე და უკანასკნელი კონსოლი, რომელიც გამოვიდა ჩრდილოეთ ამერიკაში 1993 წლის 23 ნოემბერს. Atari-ს მიერ „იაგუარი“ რეკლამირებული იქნა, როგორც პირველი 64 ბიტიანი კონსოლი, მაშინ როდესაც კონკურენციას უწევდა 16 ბიტიან სისტემებს (Sega Genesis და Super Nintendo Entertainment System) და იმავე წელს გამოსულ 32 ბიტიან 3DO Interactive Multiplayer-ს.
Atari Jaguar | |
---|---|
Atari Jaguar-ის სისტემა სტანდარტულ კონტროლერთან ერთად | |
შემქმნელი | Atari Corporation |
მწარმოებელი | IBM |
ტიპი | სახლის ვიდეო თამაშების კონსოლი |
თაობა | მეხუთე თაობა |
გამოშვების თარიღი | ჩრდ.ამ. 23 ნოემბერი, 1993 ევრ 27 ივნისი, 1994 იაპ 21 ნოემბერი, 1994 |
თავდაპირველი ფასი | 249.99 აშშ დოლარი |
შეწყდა |
|
გაიყიდა | 250,000 |
მედია | სათამაშო კარტრიჯი |
პროცესორი | მრავალპროცესორიანი |
მეხსიერება | 2 მბ RAM |
მეხსიერების საცავი | ჩაშენებული RAM, კარტრიჯი |
ყველაზე გაყიდვადი თამაში | „Alien vs Predator“, 50,000 (1 აპრილი, 1995) |
წინა | Atari Panther (გაუქმებული) |
კონსოლზე მუშაობა დაიწყო 1990-იან წლების დასაწყისში და შეიმუშავა კომპანია Flare Technology-მ. ის ასევე პასუხისმგებელი იყო Atari-ს მეორე კონსოლის, Atari Panther-ის შექმნაზე, (მას კონკურენცია უნდა გაეწია Genesis-სა Super NES-ისთვის), რომელიც შესაძლებლობებით გადააჭარბებდა ყველა იმ დროისთვის არსებულ კონსოლებს. თუმცა მოულოდნელად მასზე მუშაობა შეწყდა, ხოლო „იაგუარის“ გამოსვლა გადაიდო რამდენიმე ხნით. 1993 წელს გამოვიდა Jaguar'-ის სატესტო ვერსია ჩრდილოეთ ამერიკის ბაზარზე, ხოლო საჯაროდ ხელმისაწვდომი გახდა 1994 წლის ნოემბერში, რასაც თან მოჰყვებოდა ვიდეო თამაში „Cybermorph“.
მისი მრავალჩიპიანი არქიტექტურიდან გამომდინარე, რთული გახდა თამაშის შემუშავება კონსოლზე, ხოლო ცუდი გაყიდვების გამო განიცდიდა მესამე მხარის დეველოპერების ნაკლებობას. შედეგად თამაშების ბიბლიოთეკა მოიცავდა მხოლოდ და მხოლოდ 64 ერთეულს.
Atari ცდილობდა Jaguar-ის „სიცოცხლის გახანგრძლივებას“. მან დამატებით შეიმუშავა CD-ROM-ის მოწყობილობა, ცნობილი Atari Jaguar CD-ის სახელწოდებით და დააპატენტა როგორც იაფი ახალი თაობის კონსოლი, რომლის ფასი კონკურენტ სისტემებთან შედარებით 100 აშშ დოლარით ნაკლებს შედგენდა. Sega Saturn-ს და Sony PlayStation-ის გამოსვლის შემდეგ, Jaguar-ის გაყიდვებმა ორმაგად იკლო, ხოლო 1996 წელს მისი წარმოება მთლიანად შეწყდა. ჯამში გაიყიდა 2500, 000 ასლი. სისტემის კომერციულმა ჩავარდნამ ატარის აიძულა დაეტოვებინა კონსოლების ბაზარი. მას შემდეგ რაც Hasbro Interactive-მა შეიძინა Atari-ის უმეტესი წილი, Jaguar-ის პატენტები გადავიდა საყოველთაო საკუთრებაში და დეკლარირებული იქნა როგორც ღია პლატფორმა. ამის შემდეგ ის იქცა საკულტო მიმდევრობის კონსოლად, რაზეც იქმნებოდა უამრავი Hombrew ტიპის თამაშები
This article uses material from the Wikipedia ქართული article Atari Jaguar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.