ჰიპოკამპუსი

ἵππος hippos — „ცხენი“; და κάμπος kampos — „ზღვის ურჩხული“) — ადამიანისა და სხვა ხერხემლიანების თავის ტვინის მთავარი კომპონენტი. ადამიანებსა და სხვა ძუძუმწოვრებს ორი ჰიპოკამპუსი აქვთ, თითო-თითო ტვინის თითოეულ ნახევარსფეროში. ჰიპოკამპუსი მიეკუთვნება ლიმბურ სისტემას და მნიშვნელოვან როლს თამაშობს მოკლევადიანი მეხსიერებისა და გრძელვადიანი მეხსიერების ინფორმაციების გაერთიანებაში, აგრეთვე სივრცულ მეხსიერებაში, რომელიც ნავიგაციას ხდის შესაძლებელს. ჰიპოკამპუსი მდებარეობს დიდი ნახევარსფეროების ქერქის ქვეშ (ალოკორტიკული), ხოლო პრიმატებში — შუა საფეთქლის წილში. იგი შედგება ორი ძირითადი, ურთიერთდაკავშირებული ნაწილისგან: ამონის რქისა და დაკბილული ხვეულისგან.