სუდანის დროშა
სუდანის დროშა (არაბ.
მიღებულია 1970 წლის 20 მაისს და შედგება სამი თანაბარი ზომის ჰორიზონტალური წითელი, თეთრი და შავი ზოლისა და მწვანე სამკუთხედისაგან. დროშა დაფუძნებულია არაბთა განმათავისუფლებელ დროშაზე, რომელსაც ასევე ემყარება ეგვიპტის, ერაყის, სირიისა და იემენის დროშები და რომელიც იყენებს პან-არაბულ ფერებს, რომელთა შორისაც მწვანე ნაკლებად მნიშვნელოვანია. 1969 წელს ჯაფარ ნიმეირის მიერ მოწყობილ სამხედრო გადატრიალებამდე გამოიყენებოდა ლურჯ-ყვითელ-მწვანე სამფეროვანი დროშა.
| სუდანის დროშა | |
|---|---|
| სუდანი | |
 | |
| მიღებულია | 1970 წლის 20 მაისს |
| პროპორცია | 1:2 |
| კომპიუტერული დიზაინი | მართკუთხა სამფეროვანი ქსოვილი, რომელიც შედგება სამი თანაბარი ზომის ჰორიზონტალური წითელი (ზევით), თეთრი (შუაში) და შავი (ქვევით) ზოლისა და მწვანე სამკუთხედისაგან (მარცხნივ). |
| წინა დროშები | |
.svg) სუდანის დროშა 1956-1970 წწ-ში | |
| პროპორცია | 1:2 |
სიმბოლური მნიშვნელობა
დროშაზე წითელი ფერი აღნიშნავს დამოუკიდებლობისათვის ბრძოლას, თეთრი — მშვიდობას, სინათლესა და ოპტიმიზმს, შავი — თავად ქვეყანას (სუდანი არაბულად „შავს” ნიშნავს). იგი ასევე აღნიშნავს მაჰდისტების აჯანყების მომწყობი ნაციონალისტების შავ დროშას. მწვანე კი განასახიერებს ისლამს, ასევე სიმდიდრესა და სოფლის მეურნეობას.
1956-1970 წწ-ის დროშა
გაერთიანებული სამეფოსა და ეგვიპტისაგან დამოუკიდებლობის მოპოვებიდან ერთი წლის შემდეგ, 1956 წელს დაამტკიცეს ლურჯ-ყვითელ-მწვანე სამფეროვანი დროშა, რომელიც გამოიყენებოდა 1970 წელს თანამედროვე დროშის მიღებამდე. დროშის ფერები განასახიერებდნენ მდინარე ნილოსს (ლურჯი), საჰარის უდაბნოსა (ყვითელი) და სასოფლო-სამეურნეო სავარგულებს (მწვანე). დროშის ფერებად სპეციალურად შეირჩა ეთნიკურად და პოლიტიკურად ნეიტრალური ფერები.
გალერეა
-
სუდანის პრეზიდენტს შტანდარტი -
სუდანის პრეზიდენტს შტანდარტი (ვარიანტი)
.svg)
ისტორიული დროშები
-
ანგლო-ეგვიპტური სუდანის დროშა -
ბრიტანელი გენერალ-გუბერნატორის დროშა -
სუდანის ყოფილი დროშა (1956–1970) -
სუდანის საზღვაო დროშა (1956–1970)
.svg)
რეგიონების დროშები
-
ჩრდილოეთ კორდოფანის დროშა
რესურსები ინტერნეტში
სქოლიო
This article uses material from the Wikipedia ქართული article სუდანის დროშა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.