სიდნეი შელდონი, სიდნი შეხტელი (ინგლ.
11 თებერვალი, 1917, ილინოისი, ჩიკაგო — გ. 30 იანვარი, 2007, კალიფორნია) — ამერიკელი მწერალი და სცენარისტი, რომლის ნამდვილი სახელი სიდნი შეხტელია, 1917 წლის 11 თებერვალს ილინოისის შტატის ქალაქ ჩიკაგოში, ებრაელების ოჯახში დაიბადა.
სიდნეი შელდონი | |
---|---|
ინგლ. Sidney Sheldon | |
დაბადების თარიღი | 11 თებერვალი, 1917[1] [2] [3] [4] [5] [6] [7] [8] [9] |
დაბადების ადგილი | ჩიკაგო[1] [10] [11] [12] |
გარდაცვალების თარიღი | 30 იანვარი, 2007[1] [2] [3] [4] [5] [6] [7] [8] [9] (89 წლის) |
გარდაცვალების ადგილი | რანჩო-მირაჟი[1] [13] [14] [15] |
დასაფლავებულია | ვესტვუდის სასაფლაო |
საქმიანობა | მწერალი, სცენარისტი, რომანისტი, დრამატურგი, კინორეჟისორი[16] , მსახიობი[17] [18] [19] , ტელე პროდიუსერი[20] [21] , პროზაიკოსი და მკვლევარი |
ენა | ინგლისური ენა |
მოქალაქეობა | აშშ |
ალმა-მატერი | ჩრდილოდასავლეთის უნივერსიტეტი, Senn High School, East High School, Weinberg College of Arts and Sciences და Northwestern University |
ჟანრი | დრამა, დეტექტივი და სასიყვარულო რომანი |
ჯილდოები | ოსკარი საუკეთესო ორიგინალური სცენარისთვის და ვარსკვლავი ჰოლივუდის დიდების ხეივანში[22] |
შვილ(ებ)ი | Mary Sheldon |
მისი კარიერა 1937 წელს ჰოლივუდში დაიწყო, სადაც ფილმებისთვის სწერდა სცენარებს და თავის დროზე კომედიური სცენარისთვის „ოსკარიც“ მიიღო. 1941 წელს ამერიკის სამხედრო საჰაერო ძალებში მსახურების შემდეგ შელდონი სამოქალაქო ცხოვრებას დაუბრუნდა, ბროდვეის დადგმებისთვის მუსიკას წერდა და კინოსტუდიებისთვის სცენარებზე მუშაობასაც აგრძელებდა.
შელდონმა რომანების წერა გვიან დაიწყო. მისი პირველი ნაწარმოები - „ნიღაბჩამოხსნილი სახე“ 1970 წელს გამოქვეყნდა, როდესაც ავტორი 53 წლის იყო. ნაწარმოები ძალიან მალე იქცა ბესტსელერად. იმ დროისათვის სიდნეი ტელესერიალების წარმატებული პროდიუსერი და ცნობილი სცენარისტი იყო. საკუთარ სამწერლებო კრედოს იგი მოკლედ განსაღვრავდა: „მინდა, რომ მკითხველმა ჩემი ნაწარმოები ერთი ამოსუნთქვით წაიკითხოს და გვერდზე არ გადადოს“. მისი წიგნების რეცეპტიც მარტივია: დეტექტიური ინტრიგა, სიმპათიური გმირები, მელოდრამული პასაჟები. ბესტსელერებად გცეული მისი დეტექტიური რომანები 180-ზე მეტ ქვეყანაში, 51 ენაზეა ნათარგმნი და მისი წიგნების ტირაჟები მილიონობით განისაზღვრება.
მწერალს სიცოცხლეშივე დიდი აღიარება ექვია, შელდონი 89 წლის ასაკში, 2007 წელს, კალიფორნიაში, თავის მდიდრულ რანჩოზე გარდაიცვალა.
This article uses material from the Wikipedia ქართული article სიდნეი შელდონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.