რადოვან ზოგოვიჩი
რადოვან ზოგოვიჩი (სერბ.
Радован Зоговић; დ. 19 აგვისტო, 1907 – გ. 5 იანვარი, 1986) — XX საუკუნის სერბი პოეტი. ის ჩრდილო-აღმოსავლეთ მონტენეგროში, პლავში დაიბადა. მეორე მსოფლიო ომამდე ის ცხოვრობდა სკოპიეში, ზაგრებში და ბელგრადში. იყო კომუნისტური პარტიის წევრი. მისი პირველი პოეტური კრებული Glineni golubovi სამეფო ხელისუფლებამ აკრძალა.
| რადოვან ზოგოვიჩი | |
|---|---|
| დაბადების თარიღი | 19 აგვისტო, 1907[1] |
| დაბადების ადგილი | პლავი |
| გარდაცვალების თარიღი | 5 იანვარი, 1986[1] (78 წლის) |
| გარდაცვალების ადგილი | ბელგრადი |
| საქმიანობა | მწერალი, პოლიტიკოსი და პოეტი |
| მოქალაქეობა |  მონტენეგრო |
| ალმა-მატერი | Panto Mališić Gymnasium, Berane |
მეორე მსოფლიო ომის შემდეგ ის ცოტა ხნით წარმოადგენდა იუგოსლავიის მთავრობის მნიშვნელოვან ფიგურას, თუმცა 1948 წელს გარიცხეს კომუნისტური პარტიიდან და შინა პატიმრობა მიუსაჯეს. იგი პრორუსობასა და მონტენეგროული ნაციონალიზმის გაღვივებაში დაადანაშაულეს. 1960-იანებში მოხდა მისი რეაბილიტაცია. ამ პერიოდში გამოქვეყნდა მისი საუკეთესო პოეტური კრებულები:Žilama za kamen, Artikulisana riječ, Lično, sasvim lično და Knjažeska kancelarija.
რადოვან ზოგოვიჩი 1986 წლის 5 იანვარს სიმსივნით ბელგრადში გარდაიცვალა.
მისი ლექსები ნათარგმნია ბევრ ენაზე, თავის მხრივ ის თარგმნიდა: რუსულიდან, თურქულიდან და ბულგარულიდან. მისი ახლო მეგობრები იყვნენ სერბი პოეტი დესანკა მაქსიმოვიჩი და მონტენეგროელი ნოველისტი მიჰაილო ლალიჩი. ის იყო მონტენეგროს მეცნიერებისა და ხელოვნების აკადემიის წევრი.
მისი მეუღლე ვერა გარდაიცვალა 2003 წელს, რომელიც ასევე რუსულიდან მთარგმნელი იყო.
რესურსები ინტერნეტში
This article uses material from the Wikipedia ქართული article რადოვან ზოგოვიჩი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.