პრიტი ზინტა (ჰინ.
31 იანვარი, 1975, შიმლა, ჰიმაჩალ-პრადეში, ინდოეთი) — ინდოელი მსახიობი. ბოლივუდის ერთ-ერთი წამყვანი კინომსახიობი, რომელიც მონაწილეობას იღებს ტელუგურ, პენჯაბურ და ინგლისურ ფილმებშიც.
პრიტი ზინტა | |
---|---|
მშობლიური სახელი | ჰინ. प्रीति ज़िंटा |
დაბადების თარიღი | 31 იანვარი, 1975 შიმლა, ჰიმაჩალ-პრადეში |
მოქალაქეობა | ინდოეთი |
საქმიანობა | მსახიობი |
აქტიური | 1998 - დღემდე |
მეუღლე(ები) | ჯინა გუდენაფი |
გარდა სამსახიობო კარიერისა ზინტა არის საზოგადო მოღვაწე და ტელეწამყვანი. მან დააარსა საპროდიუსერო სახლი PZNZ Media და ფლობს კრიკეტის გუნდს - Kings XI Punjab.
პრიტი ზინტა დაიბადა შიმლაში, ინდოეთის არმიის ოფიცრის ოჯახში. მას ჰყავს ორი ძმა, დიპანკარი და მანიში. დიპანკარი კვალდაკვალ მიჰყვა მამას და მსახურობს პუნას ჯარში, მანიში კი ცხოვრობს ლოს ანჯელესში. როცა პრიტი იყო 13 წლის, მამამისი დაიღუპა ავტოკატასროფაში, დედა კი მძიმედ დაშავდა და ორი წელი საწოლს იყო მიჯაჭვული.
მამის საქმიანობის გამო პრიტის ოჯახს ხშირად უწევდა მოგზაურობა და სწორედ ამიტომაც ის სწავლობდა შიმლის სკოლა-ინტერნატში. მისი დასრულების შემდეგ მან ჩააბარა St. Bede's College-ში და წარჩინებულად დაამთავრა ინგლისური ლიტერატურის ფაკულტეტი, მერე კი დამატებით აიღო ფსიქოლოგ-კრიმინალისტის კურსები.
1996 წელს მეგობრის დაბადების დღეზე პრიტი შემთხვევით შეხვდა რეკლამების რეჟისორს და დათანხმდა მის შემოთავაზებას გადაეღოთ Perk chocolates-ის სარეკლამო რგოლში.
2016 წლის 1 მარტს პრიტი ცოლად გაჰყვა ფინანსისტ ჯინა გუდენაფს.
1997 წელს პრიტი მეგობრის სინჯებზე შეხვდა რეჟისორ შექხარ კაპურს, რომელმა დაარწმუნა, რომ თვითონაც უნდა გაევლო მოსმენები და გამხდარიყო მსახიობი. ის დათანხმდა მის ფილმში Tara Rum Pum Pum მონაწილეობაზე, მაგრამ გადაღებები მალევე გაუქმდა. მიუხედავად ამისა შექხარმა მოასწრო პრიტისთვის რეკომენდაციის გაწევა და ის მიწვეული იყო მანი რატნამის ფილმში „ერთი ნახვით შეყვარება“ ოცწუთიან როლზე.
This article uses material from the Wikipedia ქართული article პრიტი ზინტა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.