ნიზიბისის ზავი
ნიზიბისის ზავი ასევე ნიზიბისის პირველი ზავი — რომის და სასანიანების იმპერიებს შორის 299 წელს დადებული ზავი, რომლითაც დასრულდა 296-299 წლებში მიმდინარე რომაულ-სპარსული ომი.
ხელშეკრულებით დადგენილი საზღვარი ფუნქციონირებდა 363 წლის ნიზიბისის მეორე ზავამდე.
ხელშეკრულება
ზელშეკრულება შეიცავდა შემდეგ შეთანხმებებს:
- რომის გავლენა გავრცელდა შემდეგ ხუთ სატრაპზე: ანგლი, სოფენი, აღძნიქი, კორდუენი და ზაბდიცენი.
- ორ იმპერიას შორის საზღვრად დადგინდა ტიგროსი.
- სომხეთი გამოცხადდა რომის პროტექტორატად.
- იბერიის სამეფო გახდა რომის პროტექტორატი და რომის იმპერატორს მიეცა იბერიის მეფის დამტკიცების უფლება.
- ნიზიბისი გამოცხადდა ორ იმპერიას შორის ვაჭრობის ერთადერთ კანონიერ ადგილად.
შედეგები
ხელშეკრულების გაფორმების შემდეგ დიოკლეტიანემ დაიწყო რომის აღმოსავლეთ საზღვრის გაძლიერება. გაამაგრა ციხეები და გაზარდა ჯარის რაოდენობა.
მშვიდობა ორ იმპერიას შორის შენარჩუნდა 40 წელი სანამ 330-იან წლებში რომის ტერიტორიაზე არ შეიჭრა შაპურ II.
სქოლიო
This article uses material from the Wikipedia ქართული article ნიზიბისის ზავი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.