მონბლანის გვირაბი (ფრანგ.
უმნიშვნელოვანი ტრანსალპური სატრანსპორტო მარშრუტია. გვირაბის სიგრძეა 11,7 კმ, სიგანე — 8,6 მ, სიმაღლე 4,35 მ. გადის 2 ხაზი. გაიხსნა 1965 წლის ივლისში. საფრანგეთში მოქცეულია გვირაბის 7644 მ-იანი მონაკვეთი, ხოლო იტალიაში — 3967 მ. გვირაბი ერთი გალერეისაგან შედგება. მოძრაობა ხორციელდება ერთ ხაზზე, რომლის სიგანე თითოეულ მხარეზე 3,5 მ-ია. აქვს არასიმეტრიული ასოს Λ პროფილი, რომელიც განკუთვნილია წყლის შემსუბუქებული გადაშვებისათვის. ფრანგულ მხარეზე პორტალის სიმაღლე ზღვის დონიდან 1274 მ, ხოლო იტალიურ მხარეზე — 1381 მ აღწევს. გვირაბის მაქსიმალური სიმაღლეა 1395 მ, ხოლო გვირაბზე არსებული ქანების მაქსიმალური სისქე 2480 მ უტოლდება.
მონბლანის გვირაბი საფრანგეთის მხარეს (შამონი) | |
მიმოხილვა | |
---|---|
ადგილმდებარეობა | ევროპა |
იწყება | შამონი, ზემო სავოია, საფრანგეთი |
მთავრდება | კურმაიორი, ვალე-დ’აოსტა, იტალია |
ინფორმაცია | |
გაიხსნა | 1965 წლის ივლისი |
ტრაფიკი | საავტომობილო |
ტიპი | სამგზავრო & სატვირთო |
ტექნიკური მხარე | |
უმაღლესი ადგილი | 1395 მ |
უმდაბლესი ადგილი | 1274 მ |
გვირაბის მშენებლობა 1957 წელს დაიწყო, ხოლო დასრულდა 1965 წელს. გასასვლელი არაჰორიზონტალურია, თუმცა უმნიშვნელოდ გადაბრუნებულია "V" სახით, რომელიც ვენტილაციას ეხმარება. მშენებლობის პროცესში მრავალი სირთულეები იქნა დაძლეული, ხოლო გახსნისთანავე იქცა მსოფლიოს უგრძეს საავტომობილო გვირაბად. მონბლანის გვირაბს გააჩნია დიდი ეკონომიკური მნიშვნელობა, რომელიც მთელი წლის განმავლობაში უზრუნველყოფს მოკლე საავტომობილო გადაადგილებას ორ ქვეყანას — საფრანგეთსა და იტალიას შორის. 1999 წლის მარტში მომხდარი ორდღიანი ხანძრის შედეგად დაიღუპა 39 ადამიანი და მნიშვნელოვანი ზიანი მიაყენა გვირაბს, რის გამოც იგი დაიკეტა. 2002 წლის მარტში მონბლანის გვირაბი კვლავ გაიხსნა. ყოველდღიურად მონბლანის გვირაბი ატარებს 5000-ზე მეტ სატრანსორტო საშუალებას. გვირაბი ფასიანია.
This article uses material from the Wikipedia ქართული article მონბლანის გვირაბი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.