მირკო ვუჩინიჩი

1 ოქტომბერი, 1983) — მონტენეგროელი ფეხბურთელი, ფორვარდი. თამაშობს იტალიის სერია A-ს კლუბ „იუვენტუსში“.

მირკო ვუჩინიჩი

პირადი მონაცემები
სრული სახელი	მირკო ვუჩინიჩი
დაბადების თარიღი	1 ოქტომბერი, 1983 (1983-10-01) (40 წლის)
დაბადების ადგილი	ნიკსიჩი, სფრ იუგოსლავია
სიმაღლე	1.86 მ
სათამაშო პოზიცია	თავდამსხმელი
საკლუბო ინფორმაცია
მიმდინარე კლუბი	იუვენტუსი
ნომერი	9
ახალგაზრდული კარიერა
1998-1999	სუტიესკა ნიკსიჩი
1998-1999	ლეჩე
პროფესიონალური კარიერა*
წლები	გუნდი	მატჩი	(გოლი)
1999–2000	სუტიესკა ნიკსიჩი	9	(4)
2000-2006	ლეჩე	111	(34)
2006–2011	რომა	147	(46)
2011–	იუვენტუსი	61	(18)
ეროვნული ნაკრები‡
2001	სერბეთი და ჩერნოგორია	3	(30)
2001	მონტენეგრო	0	(14)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 25 მარტი 2013 ‡ ეროვნული ნაკრების მატჩი და გოლი ბოლოს განახლდა: 25 მარტი 2013

ვუჩინიჩი ადრეულ ასაკში თამაშობდა მშობლიური ქალაქის – ნიკშიჩის გუნდში. მან ადრევე მიიპყრო საფეხბურთო კლუბ „ლეჩეს“ სპორტული დირექტორის, პანტალეო კორვინოს ყურადღება. ვუჩინიჩის ლეჩეში ტრანსფერი განხორციელდა 2000 წლის ზაფხულში. 2006 წლამდე ვუჩინიჩი თამაშობდა ლეჩეში სერია A-ში და სერია B-ში. შთამბეჭდავი იყო მისი 2004-05 წლების სეზონი, როდესაც 21 წლის ფეხბურთელმა გაიტანა 19 გოლი 28 მატჩში სერია A-ში.

ვუჩინიჩის სასტარტო სანაკრებო მატჩი შედგა სერბეთის 21-წლამდელთა ნაკრებში, ხორვატიის 21-წლამდელთა ნაკრების წინააღმდეგ, სადაც მან სამი გოლი გაიტანა. მას ტრავმის გამო მოუწია 2006 წლის მსოფლიო საფეხბურთო ჩემპიონატის გამოტოვება. სერბეთის და მონტენეგროს გაყოფის შემდეგ ვუჩინიჩმა თამაში არჩია მონტენეგროს ეროვნულ ნაკრებში. მან მონაწილეობა მიიღო 2010 წლის მსოფლიო ჩემპიონატის საკვალიფიკაციო ეტაპის რამდენიმე მატჩში, სადაც გაიტანა ორი გოლი. ვუჩინიჩმა ასევე ორი გოლი გაიტანა 2012 წლის ევროპის საფეხბურთო ჩემპიონატის საკვალიფიკაციო ეტაპზე.

ადრეული კარიერა

ვუჩინიჩმა თამაში დაიწყო მშობლიური ქალაქის გუნდ „სუტიესკა ნიკშიჩში“. შემდეგ ის მოხვდა ლეჩეში, იტალიაში. მაშინ ის 18 წლის იყო. ამ ტრანსფერის ინიციატორი იყო „ლეჩეს“ სპორტული დირექტორი პანტელეო კორვინო.

ვუჩინიჩმა 2004-05 წლების სეზონში „ლეჩეს“ მაისურით ჩატარებულ 28 მატჩში გაიტანა 19 გოლი. მან ამ სეზონში შეასრულა ჰეთ-თრიქი „ლაციოს“ წინააღმდეგ ჩატარებულ მატჩში, 2005 წლის 1 მაისს. წარმატებული სეზონის შემდეგ, მისი პროგრესი შეაფერხა ტრავმამ, 31 მატჩში გაიტანა მხოლოდ 9 გოლი.

რომა

2006 წლის 30 აგვისტოს ვუჩინიჩი ერთწლიანი იჯარით გადავიდა „რომაში“, 3,25 მილიონი ევროს სანაცვლოდ. მისი სატრანსფერო უფლებების 50% რჩებოდა „ლეჩეს“.

2006–07 წლების სეზონი

ვუჩინიჩის პირველი სეზონი „რომაში“ წარუმატებელი აღმოჩნდა, მას ორჯერ მოუწია მუხლის ოპერაციის გაკეთება. ასევე, ოქროს ბუცის გამარჯვებული ფრანჩესკო ტოტი თამაშობდა, როგორც მარტოხელა თავდამსხმელი და რომას მწვრთნელის, ლუჩიანო სპალეტის ტაქტიკური ფორმაციიის პირობებში ვუჩინიჩს არ ჰქონდა დიდი სათამაშო დრო. მიუხედავად ამისა, მან სამი გოლი გაიტანა იმ სეზონში „რომას“ მაისურით. უეფა-ს ჩემპიონთა ლიგაზე მან პირველი გოლი გაიტანა 2006-07 წლების სეზონში, „მანჩესტერ იუნაიტედის“ წინააღმდეგ, 2007 წლის 4 აპრილს..

2007–08 წლების სეზონი

სეზონის დასაწყისში „რომამ“ გადაუხადა შეთანხმებული 3,75 მილიონი ევრო „ლეჩეს“, ვუჩინიჩის სატრანსფერო უფლებების 50%-ს სანაცვლოდ.. მან გადაწყვიტა #9 მაისურით ასპარეზობა, რომლითაც ასპარეზობდა ვინჩენცო მონტელა რვა სეზონის განმავლობაში.

2008–09 წლების სეზონი

2008 წლის ივლისში „რომამ“ 12 მილიონი ევროს საფასურად საბოლოოდ გამოისყიდა ვუჩინიჩის სატრანსფერო უფლებები.

2008 წლის 4 ნოემბერს, მან ორი გოლი გაიტანა რომას მაისურით ჩემპიონთა ლიგის 2008-09 წლების სეზონში ჩელსის წინააღმდეგ, სადაც მისმა კლუბმა 3-1 გაიმარჯვა. რომა იმ სეზონში დამარცხდა ფლეი-ოფში არსენალთან, სადაც მათ წააგეს პენალტების სერიაში ვუჩინიჩის სუსტად დარტყმული პენალტის გამო, რომელიც ადვილად მოიგერია არსენალის მეკარე მანუელ ალმუნიამ.

2009–10 წლების სეზონი

2009 წლის 1 ივნისს „რომამ“ განაცხადა, რომ კლუბსა და ვუჩინიჩს შორის გაფორმდა ახალი, 4-წლიანი კონტრაქტი, მზარდი ანაზღაურებით. ფეხბურთელს უნდა მიეღო 4 მილიონი ევრო 2009–10 წლების სეზონში და 4,7 მილიონი ევრო 2012–13 წლების სეზონში. 2009–10 წლების სეზონი ცუდად დაიწყო „რომასთვის“. გუნდი დატოვა მისმა მწვრთნელმა, ლუჩიანო სპალეტიმ. მის ნაცვლად მოვიდა კლაუდიო რანიერი რომელთან ერთადაც გუნდმა საშინაო მარცხით 1:2 სამპდორიას წინააღმდეგ ხელიდან გაუშვა ჩემპიონობის შანსი.იმ სეზონში ინტერიმა რომას 1 ქულით აჯობა, რაც საკმარისი გამოდგა იმისთვის რომ ევროპის ჩემპიონები იტალიის ჩემპიონებიც გამხდარიყვნენ. 2009 წელს ვუჩინიჩმა პირველი გოლი გაიტანა „რომას“ მაისურით „ბოლონიას“ კარში. ამ მატჩის მოგების შემდეგ, „რომას“ ჰქონდა 24-მატჩიანი დაუმარცხებელი სერია, რაშიც დიდი წვლილი შეიტანა ვუჩინიჩმა.

2010–11 წლების სეზონი

2010–11 წლების სეზონი კარგად დაიწყო ვუჩინიჩისთვის, გაუტანა ჩემპიონთა ლიგის მოქმედ მფლობელს, „ინტერს“, მაგრამ შემდეგ დაკარგა ფორმა.

იუვენტუსი

2011 წლის 30 ივლისს „იუვენტუსმა“ 15 მილიონი ევრო გადაუხადა „რომას“ ვუჩინიჩის სანაცვლოდ. ფეხბურთელს და კლუბს შორის გაფორმდა 4-წლიანი კონტრაქტი, მისი წლიური ანაზღაურებაა €3.5 ევრო.

რომა

• იტალიის სუპერთასი: 2007
• იტალიის თასი (2): 2007, 2008

იუვენტუსი

• სერია A (3): 2011-12, 2012-13, 2013-14
• იტალიის სუპერთასი (2): 2012, 2013

• Profile on AS Roma website დაარქივებული 2008-10-06 საიტზე Wayback Machine.
• Mirko Vučinić career and stats at soccerway.com
• World Cup 2006 Official Site – Upcoming Talents to Watch For დაარქივებული 2007-03-11 საიტზე Wayback Machine.
• UEFA U-21 Championship – Serbo-Montenegrin coach Okuka missing key players
• Mirko Vučinić profile, career timeline and detailed statistics