ირაკლი ხვადაგიანი
ირაკლი ხვადაგიანი (დ.
3 მაისი, 1988, ქუთაისი) ქართველი ისტორიკოსი, პირველი რესპუბლიკის მკვლევარი, 2011 წლიდან არის საბჭოთა წარსულის კვლევის ლაბორატორიის გამგეობის წევრი. 2005 — 2009 წლებში სწავლობდა თბილისის სახელმწიფო უნივერსიტეტში, სოციალურ და პოლიტიკურ მეცნიერებათა ფაკულტეტის ჟურნალისტიკის სპეციალობაზე.
| ირაკლი ხვადაგიანი | |
|---|---|
| დაბადების თარიღი | 3 მაისი, 1988 ქუთაისი |
| ეროვნება | ქართველი |
| მოქალაქეობა |  საქართველო |
| საქმიანობა | ისტორიკოსი |
2010 — 2013 წლებში სწავლობდა ილიას სახელმწიფო უნივერსიტეტის სადოქტორო და სამაგისტრო პროგრამების ფაკულტეტზე, სპეციალობა — კავკასია ევროპულ და გლობალურ კონტექსტში.
2014 წლიდან არის ილიას სახელმწიფო უნივერსიტეტის დოქტორანტი. 2010 წლიდან არის საბჭოთა წარსულის კვლევის ლაბორატორიის მკვლევარი.
მუშაობს კვლევებზე, საზოგადოებრივი და პოლიტიკური პროცესების შესახებ XIX საუკუნის ბოლო – XX საუკუნის დასაწყისში, საქართველოს პირველი რესპუბლიკა (1918–1921), 1920-იანი წლების წინააღმდეგობის მოძრაობა.
2019 წლის 20 ივნისს, გავრილოვის ღამის დროს, ირაკლი ხვადაგიანი დააკავეს. მისი განცხადებით, აქციაზე დაკავებისას სცემეს. საკანში ექიმი მისი დაკავებიდან მე-3 დღეს შევიდა. თბილისის საქალაქო სასამართლომ მას თავდაპირველად 9-დღიანი პატიმრობა შეუფარდა. სააპელაციო სასამართლოს მოსამართლე ლევან მურუსიძემ იგი სამართალდამრღვევად ცნო.
ლევან მურუსიძის გადაწყვეტილებით, ირაკლი ხვადაგიანს 3-დღიანი პატიმრობა უნდა მიესაჯათ. ამადროულად, იმის გათვალისწინებით, რომ ეს სამდღიანი ვადა 24 ივნისის დილის 2 საათზე გადიოდა, ხვადაგიანი დარბაზიდან გაათავისუფლა. პროცესზე ირაკლი ხვადაგიანმა მიმართა მოსამართლე მურუსიძეს: „არ მინდა ჩემი გათავისუფლების საბუთზე თქვენი ხელმოწერა იყოს, დამტოვეთ“.
რესურსები ინტერნეტში
სქოლიო
This article uses material from the Wikipedia ქართული article ირაკლი ხვადაგიანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.