ვასილ ბაკურაძე
ვასილ ზურაბის ძე ბაკურაძე (დ.
1886, ჭიათურა — გ. უცნობია) — ქართველი პოლიტიკოსი, საქართველოს დემოკრატიული რესპუბლიკის დამფუძნებელი კრების წევრი.
| ვასილ ბაკურაძე | |
|---|---|
| დაბ. თარიღი | 1886 |
| დაბ. ადგილი | ჭიათურა |
| გარდ. თარიღი | არაუადრეს 1921 |
| მოქალაქეობა | რუსეთის იმპერია |
| საქმიანობა | პოლიტიკოსი |
ბიოგრაფია
ვასილ ზურაბის ძე ბაკურაძე დაიბადა 1886 წელს, ქუთაისის გუბერნიის, ქუთაისის მაზრის დაბა ჭიათურაში. დაამთავრა ორკლასიანი სამრევლო სკოლა. 1900-იანი წლების მიჯნაზე სწავლობდა ტფილისის სასულიერო სემინარიაში. იყო რუსეთის სოციალ-დემოკრატიული მუშათა პარტიის წევრი. 1919 წლის 12 მარტიდან არჩეული იყო საქართველოს დემოკრატიული რესპუბლიკის დამფუძნებელი კრების წევრად საქართველოს სოციალ-დემოკრატიული მუშათა პარტიის სიით. 1921 წელს, საბჭოთა რუსეთის მიერ საქართველოს დემოკრატიული რესპუბლიკის ოკუპაციის შემდეგ დარჩა საქართველოში და პოლიტიკურ საქმიანობას ჩამოშორდა. შემდგომი ბედი უცნობია.
ლიტერატურა
- ირაკლი ხვადაგიანი. საქართველოს დამფუძნებელი კრება 1919. საბჭოთა წარსულის კვლევის ლაბორატორია. თბილისი, 2016, გვ. 171.
This article uses material from the Wikipedia ქართული article ვასილ ბაკურაძე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.