გურამ ცხოვრებოვი

14 ივლისი, 1938, ცხინვალი, საქართველოს სსრ — გ. 1998, ცხინვალი, საქართველო) — ქართველი ფეხბურთელი და ფეხბურთის მწვრთნელი, თამაშობდა მცველის პოზიციაზე. იყო თბილისის „დინამოს“ (1957, 1964–1970), ქუთაისის „ტორპედოსა“ და საბჭოთა კავშირის ნაკრების წევრი. სსრკ ნაკრებში ჩაატარა 7 მატჩი, სსრკ უმაღლეს ლიგაში — 208 (6 გოლი). სსრკ ჩემპიონი (1964), მესამე პრიზიორი (1967) და თასის გათამაშების ფინალისტი (1970). იყო ცხინვალის „სპარტაკის“ მთავარი მწვრთნელი (1973–1974). საბჭოთა კავშირის სპორტის ოსტატი (1960).

გურამ ცხოვრებოვი

პირადი მონაცემები
სრული სახელი	გურამ იასონის ძე ცხოვრებოვი
დაბადების თარიღი	14 ივლისი, 1938
დაბადების ადგილი	სტალინირი, საქართველოს სსრ, სსრ კავშირი
გარდაცვალების თარიღი	1998
გარდაცვალების ადგილი	ცხინვალი, საქართველო
სიმაღლე	178 სმ
სათამაშო პოზიცია	მცველი
პროფესიონალური კარიერა*
წლები	გუნდი	მატჩი	(გოლი)
1957–1958	დინამო თბ.	0	(0)
1961–1963	ტორპედო ქ.	57	(2)
1964–1970	დინამო თბ.	151	(4)
ეროვნული ნაკრები
1967	სსრ კავშირი	7	(0)
სამწვრთნელო კარიერა
1973–1974	სპარტაკი ცხინვალი
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

1964 წლის 18 ნოემბრის „ოქროს მატჩის“ მონაწილე.

1997 წლის 25 სექტემბერს საქართველოს პრეზიდენტის ბრძანებულებით საქართველოში ფეხბურთის განვითარებაში შეტანილი დიდი წვლილისა და ახალგაზრდა სპორტსმენთა აღზრდის საქმეში მნიშვნელოვანი დამსახურებისათვის გურამ ცხოვრებოვი ღირსების ორდენით დაჯილდოვდა.

გარდაიცვალა 1998 წელს. დაკრძალულია სოფელ ტბეთში.

ცხოვრებოვის დებიუტი საბჭოთა კავშირის ეროვნულ საფეხბურთო ნაკრებში შედგა 1967 წლის 28 ივლისს, 1968 წლის ზაფხულის ოლიმპიადის საკვალიფიკაციო ეტაპზე პოლონეთის ეროვნული ნაკრების წინააღმდეგ. ასევე იასპარეზა 1968 წლის ევროპის საფეხბურთო ჩემპიონატზე, სადაც სსრ კავშირის ნაკრებმა მეოთხე ადგილი დაიკავა.

საკლუბო

  დინამო თბილისი
საბჭოთა კავშირის ჩემპიონატი

• ჩემპიონი: 1964
• ბრინჯაოს პრიზიორი: 1967

საბჭოთა კავშირის თასი

• ფინალისტი: 1970

• გურამ ცხოვრებოვი — 81 — თბილისის „დინამოს“ ოფიციალური საიტი