ბარსელონის საგრაფო (ფრანგ.
Comtat de Barcelona) — საგრაფო მდებარეობდა თანამედროვე კატალონიის ტერიტორიაზე.
ბარსელონის საგრაფოს საზღვრებში მოქცეული ტერიტორია V საუკუნიდან ვესტგუთთა სამეფოს შემადგენლობაში შედიოდა. VIII საუკუნის დამდეგს არაბებმა (მავრებმა) დაიკავეს. ხოლო მას მერე, რაც იბერიის ნახევარკუნძული სრულიად მუსლიმურ მმართველობაში მოექცა, ამ ტერიტორიას სამხედრო გარნიზონთა დახმარებით განაგებდნენ. გარნიზონები კი ჟერონაში, ლერიდასა და თავად ბარსელონაში იყო განლაგებული. 778 წელს კარლოს დიდი კუნძულის ჩრდილო-აღმოსავლეთ ნაწილში შეჭრა და დაეპატრონა, რაშიც ადგილობრივმა მთიულმა მოსახლეობამ გაუწია დახმარება, თუმცა 781 წელს ეს ტერიტორია ისევ არაბების ხელში გადავიდა. ბრძოლას როლანდი შეეწირა, რომლის სახელმაც სიმღერებში ჰპოვა ასახვა. 785 წელს ფრანკებმა ჟერონა აიღეს, ხოლო 801 წელს ტულუზის გრაფმა გილიომ ჟელონელმა დაიკავა საგრაფო. 811 წლისთვის არაბებისგან გათავისუფლებული ბარსელობა ესპანური მარკა გახდა, რომელიც კაროლინგების დინასტიაზე დამოკიდებული საგრაფოებისგან შედგებოდა. მარკისა და საგრაფოს დედაქალაქად ბარსელონა გამოცხადდა.
This article uses material from the Wikipedia ქართული article ბარსელონის საგრაფო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.