ინდოეთი აჰმადაბადი
აჰმადაბადი (გუჯარ.
અમદાવાદ) — ქალაქი დასავლეთ ინდოეთში, გუჯარათის შტატის უმსხვილესი ქალაქი და ყოფილი დედაქალაქი. იგი ინდოეთის მეექვსე უდიდესი ქალაქი და მეშვიდე უდიდესი აგლომერაციაა 6,5 მილიონიანი მოსახლეობით. 2010 წელს ჟურნალმა ფორბსმა აჰმადაბადი ინდოეთის ყველაზე სწრაფადმზარდ ქალაქად შეაფასა, მსოფლიოში კი ანალოგიური მაჩვენებლით მესამე ქალაქად, ჩინური ჩენდუსა და ჩუნცინის შემდეგ, უსწრებს მეოთხე ადგილზე მყოფ ბრაზილიის ქალაქ მანაუსს. 2011 წლის დეკემბერში, საბაზრო კვლევის ორგანიზაცია IMRB-მა აჰმადაბადი ცხოვრების საუკეთესო დონის მეგა-ქალაქად დაასახელა ინდოეთის სხვა მეგა-ქალაქებს შორის. აჰმადაბადი მდინარე საბარმატის ნაპირებზეა გაშენებული, შტატის დედაქალაქ განდინაგარიდან 32 კმ-ის დაშორებით. 1960 წლამდე იგი გუჯარათის შტატის დედაქალაქი იყო.
| ქალაქი | |
|---|---|
| აჰმადაბადი გუჯარ. અમદાવાદ | |
 | |
| ქვეყანა |  ინდოეთი |
| შტატი | გუჯარათი |
| კოორდინატები | 23°02′00″ ჩ. გ. 72°35′00″ ა. გ. / 23.03333° ჩ. გ. 72.58333° ა. გ. |
| მმართველი | Gautam Shah[1] |
| დაარსდა | 26 თებერვალი, 1411 |
| ფართობი | 475 კმ² |
| ცენტრის სიმაღლე | 53 მ |
| მოსახლეობა | 5 897 312 კაცი (2011) |
| სიმჭიდროვე | 22 473 კაცი/კმ² |
| სასაათო სარტყელი | UTC+5:30 |
| სატელეფონო კოდი | +079 |
| საფოსტო ინდექსი | 3800XX |
| საავტომობილო კოდი | GJ-1 |
| ოფიციალური საიტი | https://ahmedabadcity.gov.in/ |
  | |
აჰმადაბადი 1411 წლის 26 თებერვალს სულთანმა აჰმად შაჰმა დააარსა, როგორც გუჯარათის სასულთნოს დედაქალაქი, სახელი კი მისივე პატივსაცემად ეწოდა. ბრიტანეთის მმართველობისას, დაარსდა სამხედრო დასახლება, განივრცო და გაუმჯობესდა ქალაქის ინფრასტრუქტურა. ბრიტანელებისვე მმართველობის ხანაში, ბომბეის ოლქში გაერთიანებული აჰმადაბადი გუჯარათის რეგიონის ყველაზე მნიშვნელოვან ქალაქად რჩებოდა. ქალაქი ტექსტილის ინდუსტრიის ბუმის ცენტრად იქცა, რამაც მას ზედმეტსახელად „აღმოსავლეთის მანჩესტერი“ შესძინა. XX საუკუნის პირველ ნახევარში აჰმადაბადი ინდოეთის დამოუკიდებლობის მოძრაობის წინა ხაზებში გამოდიოდა. იგი სამოქალაქო დაუმორჩილებლობის მრავალი კამპანიის ცენტრი იყო, რაც მიზნად ისახავდა მუშათა, მოქალაქეთა უფლებების, პოლიტიკური დამოუკიდებლობის დაცვას. მას შემდეგ, რაც გუჯარათის შტატი შეიქმნა 1960 წელს, აჰმადაბადი მოფუსფუსე მეტროპოლია გახდა კლასიკური და კოლონიური ევროპული სტილის შენობებით.
იხილეთ აგრეთვე
რესურსები ინტერნეტში
Ahmedabad, ტურისტული მეგზური ვიკივოიაჟზე- Ahmedabad Collectorate დაარქივებული 2011-07-21 საიტზე Wayback Machine.
- Ahmedabad Municipal Corporation დაარქივებული 2006-05-11 საიტზე Wayback Machine.
- Ahmedabad Urban Development Authority დაარქივებული 2012-07-09 საიტზე Wayback Machine.
- Ahmedabad Kite Festival დაარქივებული 2011-06-23 საიტზე Wayback Machine.
ლიტერატურა
სქოლიო
This article uses material from the Wikipedia ქართული article აჰმადაბადი (ინდოეთი), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.