გუდაუთის მუნიციპალიტეტი აჭანდარა

სხვა მნიშვნელობებისთვის იხილეთ აჭანდარა (მრავალმნიშვნელოვანი).

მდებარეობს ჭბაართსა და დოხურთს შორის. თემის ცენტრი (სოფლები: აჭანდარა, აოსირხვა, აუალიცა, ქვაბურთა, ძიბზირი, წვინდირთა, ხაბიუ, ჯგითირხვა). ზღვის დონიდან 150 მ, შავი ზღვიდან 13 კმ, გუდაუთიდან 18 კმ.

2008 წლის 23 ოქტომბრის ოკუპირებული ტერიტორიების შესახებ საქართველოს კანონის საფუძველზე, ტერიტორია ოკუპირებულია რუსეთის ფედერაციის სამხედრო აგრესიის შედეგად და დადგენილია ამ ტერიტორიების განსაკუთრებული სამართლებრივი რეჟიმი.

ამ სოფელში დღემდე დგას უზარმაზარი ჭადარი, რომელიც ალბათ ათასი წლისა იქნება. ალბათ ამ ხეს უკავშირდება სოფლის სახელი აჭანდარა, სადაც პირველი ა აფხაზურისათვის დამახასიათებელი თავსართია, ხოლო ა ქონების მნიშვნელი სუფიქსია და საკმაოდ ხშირად გვხვდება ქართულში (მაგალითად: ქოჩორა, წვერა, ბოლოშავა, თავშიშველა და ა.შ). ფუძე ამ სიტყვისა არის ჭანდარი, რომელიც ჭადარის პარალელურად გვხვდება როგორც დიალექტებში ასევე მხატვრულ ლიტერატურაშიც.

აჭანდარაში შემორჩენილია რამდენიმე დოლმენი (ძვ. წ. II ათასწლეულის I ნახევარი). იქვეა ადრინდელი ფეოდალური ეპოქის ციხის ნანგრევები.

• ენციკლოპედია „საქართველო“, ტ. 1, თბ., 1997. — გვ. 273.

• ქართული საბჭოთა ენციკლოპედია, ტ. 2, თბ., 1977. — გვ. 77.
• ზურაბ ჭუმბურიძე, რა გქვია შენ?, თბილისი 1966, გვ. 47-48