აწყურის ციხე

სხვა მნიშვნელობებისთვის იხილეთ აწყური.

მატიანეში პირველად იხსენიება XI საუკუნის შუა წლებში.

აწყურის ციხე
აწყურის ციხის ხედი ლაშა ხაჩიძის ფოტო
კოორდინატები: 41°43′41″ ჩ. გ. 43°09′56″ ა. გ. / 41.7281278° ჩ. გ. 43.1656000° ა. გ. / 41.7281278; 43.1656000
მდებარეობა	საქართველო
სტატუსი	რესტავრირებული
აწყურის ციხე ვიკისაწყობში

აწყურის ციხე სამხრეთიდან იცავდა ბორჯომის ხეობას. XVI საუკუნის II ნახევარში ციხე ოსმალებმა დაიკავეს. 1770 წელს აწყურის ციხეს რუს-ქართველთა გაერთიანებული ლაშქარი შემოეწყო, მაგრამ მისი აღება ვერ მოხერხდა. 1829 წელს ადრიანოპოლის საზავო ხელშეკრულების თანახმად, განთავისუფლებულ იქნა ოსმალთა ბატონობისაგან.

აწყურის ციხის მშენებლებმა მოხერხებულად გამოიყენეს მაღალი და ძნელად მისადგომი კლდის რელიეფი და შექმნეს სამშენებლო თვალსაზრისით რთული და საინტერესო ნაგებობა. ციხეში შესვლა კლდეში გამოკვეთილი ვიწრო გვირაბით შეიძლება. შიდა ნაგებობა იმდენად ძნელად მისადგომი იყო, რომ მტერი გვირაბში შეჭრის შემდეგაც ვერ დაიმორჩილებდა ადვილად. ამჟამად ციხე მთლიანი ნაგებობა აღარ არის. შეინიშნება სხვადასხვა დროის მრავალი სამშენებლო ფენა.

აწყურის ციხეს 2006 წლის 7 ნოემბერს, საქართველოს პრეზიდენტის ბრძანებულების თანახმად მიენიჭა ეროვნული მნიშვნელობის კულტურის უძრავი ძეგლის კატეგორია.

2009 წლის 19 აგვისტოს ციხე ჩამოინგრა და 2013 წელს მასზე გამაგრებითი სამუშაოები მიმდინარეობდა. აწყურის ციხე კვლავ დანგრევის პირასაა.

•  
  აწყურის ციხე, ხედი ჩრდილოეთიდან
•  
  აწყურის ციხე, ხედი სამხრეთიდან
  ჯაბა ლაბაძის ფოტო

 

არის გვერდი თემაზე:

აწყურის ციხე

• ბერძენიშვილი დ., ქართული საბჭოთა ენციკლოპედია, ტ. 2, თბ., 1977. — გვ. 77.

•   კულტურული მემკვიდრეობის პორტალი, № 9399