ანტონინების დინასტია — რომის საიმპერატორო დინასტია, რომლის სახელწოდება მომდინარეობს ანტონინუს პიუსისაგან.
დინასტია ისტორიაში „ხუთი კარგი იმპერატორის“ სახელითაც შევიდა. მისი წარმომადგენლები არ იყვნენ ერთმანეთის ნათესავები. დინასტიის პირველი იმპერატორი იყო ნერვა 96 წლიდან, რომელიც სენატმა აირჩია. ამის შემდეგ წესად დამკვიდრდა, რომ სენატის მიერ არჩეულ კანდიდატს იმპერატორი იშვილებდა. ნაშვილები ხდებოდა მისი მემკვიდრე.
5 კარგი იმპერატორის პერიოდი (96 წლიდან 180 წლამდე) რომის ისტორია ხასიათდება პოლიტიკური სტაბილურობით და იმპერიის აყვავებით. წინ ამ პერიოდს ფლავიუსების უკანასკნელი იმპერატორის დომიციანეს სისხლიანი მმართველობა უძღვოდა, დინასტიის მმართველობისას მნიშვნელოვანი რეფორმები გატარდა მარკუს ავრელიუსისა და ტრაიანეს მოღვაწეობის პერიოდში. დინასტიის შემდეგ დადგა III საუკუნის კრიზისი (რომის იმპერიის დაღმავალი პერიოდი), რომლისაგან რომმა საბოლოოდ გამოსვლა ვერ მოახერხა. გავრცელებული აზრით, ანტონინუსების მმართველობის პერიოდი იყო რომის იმპერიის „ოქროს ხანა“.
ანტონინების დინასტიას მიაკუთვნებენ ამ დინასტიის უკანასკნელ წარმომადგენელს კომოდუსს, რომელიც ხუთ კარგ იმპერატორში არ შედის.
This article uses material from the Wikipedia ქართული article ანტონინუსების დინასტია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.