ამანდა ბაინსი
ამანდა ლორა ბაინსი (ინგლ.
3 აპრილი, 1986) — ამერიკელი მსახიობი. იგი ცნობილია ტელევიზიასა და კინემატოგრაფიაში მოღვაწეობით მთელი 1990-იანი და 2000-იანი წლების განმავლობაში. მან მიიღო რამდენიმე ჯილდო, მათ შორის არის შვიდი Kids 'Choice Awards და კრიტიკოსების არჩევანის კინო-ჯილდოები.
| ამანდა ბაინსი | |
|---|---|
 ბაინსი 2009 წელს | |
| დაბადების სახელი | ამანდა ლორა ბაინსი |
| დაბადების თარიღი | 3 აპრილი, 1986 კალიფორნია, აშშ |
| ეროვნება | ამერიკელი |
| მოქალაქეობა |  აშშ |
| საქმიანობა | მსახიობი |
| აქტიური | 1993-2010 |
ბაინსმა სამსახიბო კარიერა ბავშვობის ასაკში დაიწყო, მუშაობდა ესკიზურ კომედიურ სერიალზე All That (1996–2000) და გადიღეს სერიალში ''ამანდას შოუ'' (1999–2002), რისთვისაც მან მიიღო რამდენიმე ჯილდო. თინეიჯერობის ასაკში მან პოპულარობა მოიპოვა ჰოლი ტაილერის როლისთვის WB სიტკომში რა მომწონს შენში (2002–2006) და შეასრულა მხატვრული ფილმის დებიუტი კაილის როლით, ფილმში დიდი მსუქანი მატყუარა (2002). ბაინსმა მონაწილეობა მიიღო არაერთ წარმატებულ ფილმში, მათ შორის არის: რა სურს გოგონას (2003) და რობოტები (2005); მოიპოვა დიდება მისი როლებისთვის ფილმებში: ის კაცია (2006), თმის ვარცხნილობა (2007) და მსუბუქი ყოფაქცევის ფრიადოსანი (2010).
2010 წელს გამოაცხადეს რომ სხვადასხვა პირადული პრობლემების გამო, იგი რამდენიმე წლით მსახიობობას შეწყვეტდა. 8 წლის შემდეგ, 2018 წელს, მან ტელევიზიაში დაბრუნების სურვილი გამოთქვა.
ადრეული ცხოვრება
ცნობილი ამერიკელი მსახიობი ამანდა ლაურა ბაინსი დაიბადა კალიფორნიაში, 1986 წლის 3 აპრილს. არის სტომატოლოგის ასისტენტის, ლინის და სტომატოლოგის და ოფისის მენეჯერის, რიკ ბაინსის მესამე, ყველაზე უმცროსი შვილი. მისი მამა კათოლიკეა, წარმოშობით ირლანდიელი, ლიეტვუელი და პოლონელი. დედა ებრაელია და დაიბადა კანადელი წყვილის ოჯახში, რომელთა ოჯახები იყვნენ პოლონეთიდან, რუსეთიდან და რუმინეთიდან.
კარიერა
ამანდა ბაინსმა პროფესიონალური მოღვაწეობა 7 წლის ასაკში დაიწყო და გამოჩნდა Buncha Crunch-ის ტკბილეულის სატელევიზიო რეკლამაში. ბავშვობის პერიოდში ის ასევე გამოჩნდა სხვადასხვა მიუზიკლებსა და სპექტაკლებში, მათ შორისაა: მიუზიკლი ენი, საიდუმლო ბაღი, მუსიკის კაცი და მუსიკის ხმა. მოგვიანებით ლოს-ანჯელესში, სიცილის ქარხანაში კომედიურ ბანაკში იყო. სადაც შეამჩნია, ნიკელოდეონის პროდიუსერმა. 1996 წლიდან 2000 წლამდე სხვადასხვა როლები ითამაშა კომედიურ სკეჩში, ''All That'' 1996. ჩვენებამ ბაინს დიდი აღიარება მოუტანა და 2000 წელს მოიგო ''Kid's Choce Award''. ბაინსი, 1997 წლიდან 1999 წლამდე ასევე თამაშობდა სერიალში, გარკვევა.
13 წლის ასაკში, 1999 წლიდან 2002 წლამდე თამაშობდა სატელევიზიო პროგრამაში, ამანდას შოუ . აღნიშნულ შოუში, მისმა შესრულებულმა როლმა დიდი მოწონება დაიმსახურა, რითაც მოიპოვა ოთხი Kids 'Choice Awards და ორი ახალგაზრდა შემსრულებლის პრემიის ნომინაცია.
2002 წელს, შედგა ბაინსის დებიუტი მხატვრულ ფილმში " დიდი მსუქანი მატყუარა", სადაც მან ითამაშა, პერსონაჟი კეილის როლი, რომელიც პერსონაჟის, ფრენკი მუნიზის საუკეთესო მეგობარია. მიუხედავად იმისა, რომ ფილმს არაერთგვაროვანი შეფასებები ჰქონდა, კომერციულად წარმატებული იყო , ხოლო ამანდამ აღნიშნული როლისთვის, მოიგო საბავშვო არჩევანის ჯილდო. 2002 წელს, მან მთავარი როლი მიიღო სიტკომში რა მომწონს შენში, სადაც მან 2002 წლიდან 2006 წლამდე, ითამაშა მსახიობთან,, ჯენი გარტთან ერთად. სერიალმა დადებითი შეფასებები მიიღო, ხოლო ბაინსმა მიიღო მრავალი ნომინაცია, მათ შორის: Teen Choice Awards და ''ახალგაზრდა მსახიობის ჯილდო''. 2003 წელს გამოჩნდა Vanity Fair-ის 2003 წლის ივლისის გამოცემის გარეკანზე. ახმოვანებდა ანიმაციურ ფილმს, შარლოტის ქსელი 2: უილბერის დიდი თავგადასახალი, რომელიც კრიტიკოსებმა გააპროტესტეს. მან 2005 წელს პიპერ პინვილერი გაახმოვანა ანიმაციაში, რობოტები, რასაც დიდი კომერციული წარმატება მოჰყვა. 2005 წელს მან ითამაშა რომანტიკულ კომედიაში, Love Wrecked .
პირადი ცხოვრება
2007 წელს მან თავი აღწერა, როგორც ებრაელი, და ასევე განაცხადა: "მე ვისწავლე როგორც იუდაიზმი, ასევე კათოლიციზმი. ჩემმა მშობლებმა თქვეს, რომ ჩემი გადასაწყვეტი იქნებოდა, თუ რომელ სარწმუნოებას დავიცავდი, როცა გავიზრდებოდი. ჯერ არ გადამიწყვეტია რელიგია. ჯერ ზუსტად არ ვიცი რისი მჯერა. ”
ბავშვობიდან ბაინს აინტერესებდა ილუსტრაცია და მოდის დიზაინი. 2013 წლის დეკემბერში, ბაინსი ჩაირიცხა დიზაინისა და სავაჭრო მოდის ინსტიტუტში ირვინში, კალიფორნიაში. 2018 წელს მან მიიღო ასოცირებული სამხატვრო ხარისხი საქონლის პროდუქტის განვითარებაში და გამოაცხადა, რომ აპირებს დაიწყოს ბაკალავრის პროგრამაზე სწავლა. 2019 წელს ბაინმა დაამთავრა ''FIDM''.
2020 წელს, ინსტაგრამის საკუთარ გვერდზე, მან გამოაცხადა, პოლ მაიკლთან ნიშნობის შესახებ. სამი კვირის შემდეგ ცნობილი გახდა, რომ მათ ურთიერთობა გაწყვიტეს, მაგრამ მოგვიანებით ეს განცხადება ყალბი აღმოჩნდა. მაიკლმა თქვა, რომ მათი ინსტაგრამის ანგარიშები გატეხეს. 2020 წლის მარტში, ბაინსმა ინსტაგრამის ანგარიშზე ფოტო გაავრცელა და გამოაცხადა, რომ ისინი პირველ შვილს ელოდებოდნენ. მოგვიანებით მან ეს პოსტი წაშალა და მისმა ადვოკატმა დაადასტურა, რომ წყვილი შვილს არ ელოდა.
2019 წლის დეკემბერში, ბაინსმა აღნიშნა, რომ მარცხენა თვალის ქვეშ გულის ტატუ აქვს გაკეთებული.
სქოლიო
This article uses material from the Wikipedia ქართული article ამანდა ბაინსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.