Peksi Alap-Alap

Benten kaliyan Garudha, alap-alap suwiwinipun langkung alit lan kados eri, cucukipun langkung cendhak ugi mlengkung.

• Alap-alap Capung (Microhierax fringillarius),inggih punika manuk ingkang gadhah cucuk, kagolong kéwan berdarah panas, saha tumuwuh biak kanthi cara ngendhog. Alap-alap punika minangka manuk ingkang kalebet kéwan karnivora ingkang paling alit sadonya. Alap-alap capung saged pinanggih wonten ing kawasan Asia Tenggara. Ukuranipun rata-rata 15 cm kanthi bobot 35 gram.
• Alap-alap Kawah (Falco peregrinus), manuk paling rikat ing donya. Wonten ing basa Inggris inggih punika salah satunggaling spésies alap-alap ingkang ukuranipun kagolong ageng, kanthi dawa antawisipun 50 cm. Manuk punika gadhah wulu cemeng, klawu saha biru, cucukipun kuning ageng kanthi pucuk cemeng lancip sarta buntutipun cekek. Dada saha wetengipun awerni pethak kanthi garis-garis cemeng. Manuk babonipun sami, nanging ukuranipun langkung ageng manawi kabandhingaken kaliyan ingkang kakung.

Mangsa utama alap-alap kawah inggih punika manéka jinis manuk ingkang ukuranipun langkung alit, kados ta dara, nuri, jalak saha ayam. Manuka-manuk punika dipunburu nalika taksih miber ing akasa. Alap-alap punika ugi mangsa kéwan-kéwan sanèsipun, kados ta kelinci, lawa, gegremet, kadal sarta iwak. Alap-alap kawah dipunmangertosi bilih salah satunggaling makluk ingkang paling rikat ing donya. Nalika miber mburu mangsanipun, manuk punika saged dumugi kecepatan 320 km/jam.

• Alap-alap Macan (Falco severus), ukuranipun alit, antawis 25 cm. Werninipun abrit saha cemeng, sayapipun dawa. Sirah saha awak pérangan nginggil klawu kanthi corak kebiruan. Awak pérangan ngandhap coklat. Dagu kuning kebo. Nalika taksih enem, dhadha abrit kanthi coretan cemeng. Iris coklat, cucuk klawu, sera kuning, suthang saha sikil kuning. Gerakan langkung lincah kabandhing Alap-alap sapi. Miberipun rikat nalika mburu mangsa kados ta gegremet wonten ing nginggil wit-witan. Langkung Asring lèrèn ing wit-witan tinimbang ing watu cadas. Papanipun wonten ing wit-witan ageng. Tiganipun awerni krem, bintik ijo saha coklat, cacahipun sekawan (4) butir.
• Alap-alap Sapi (Falco moluccensis), inggih punika spésies manuk saking kulawarga Falconidae, saking génus Falco. Manuk punika minangka jinis manuk ingkang mangsanipun gegremet alit, kados ta, lawa, manuk, kadal, gegremet ingkang habitatipun wonten ing daerah kabuka, kados ta kebon, tegalan, sisih alas, utawi kutha.