Danlu Kamjikyzi'e

animal rights gy. ) .a lo si'o danlu nunzifri'a ( gy. animal liberation gy. ) vu'o goi fo'a cu sidbo lo du'u lo jicmu mukra'a ( gy. interests gy. ) be lo na'e remna danlu goi D cu se vamji lo ka ce'u se jundi kei du'i lo simsa mukra'a be lo remna goi R .i lo daupre cu sanji fo'a vedu'o lo frica gi'e ku'i sarxe jinvi lo du'u D panra lo se flalu prenu .e lo cmima be lo te marde cecmu .enai lo selponse be tepi'o tu'a lo cidja .a lo taxfu .a lo cipra .a lo nunpluka

ni'o lo nu dunda lo kamjikyzi'e D te sidju lo flalu tadni be mu'u la .alan.dyrco,uits. e la .lorens.traib. pe la .xarvard. zei flalu ckule .ije la .kleitn.rubis. noi .toronton. zei flapre cu dasku lo sedu'u lo dei mukcu'u ( gy. movement gy. ) ba'o farvi fo da poi lo tercinsi'u ( gy. gay gy. ) kamjikyzi'e mukcu'u cu farvi fo ke'a puza lo nanca be li 25 .i lo danlu flalu ( gy. Animal law gy. ) ve ctuca bu'u 104 lo 180 flalu ckule be lo mergu'e be'o .e 8 flalu ckule be lo kadnygu'e gi'e di'i se casnu lo balcu'e ke pijyske ja plimadyske tadylu'a ca li 2008 pi'e 06 lo sangu'e co'i pamoi cpacu fo'a seja'e lo nu lo si'orbe'e kruca flapaizda kamni ( gy. cross-party parliamentary committee gy. ) cu stidi lo su'u lo kamjikyzi'e cu kuspe tu'a le banli smani ( gy. great apes gy. ) ma'i la banli smani selpla ( gy. Great Ape Project gy. )

ni'o da paisku lo sedu'u D ni'igi ka'enai cmima tu'a lo nunjiktu'i ( gy. social contract gy. ) .a lo'i marde cuxna gi ka'enai mintu lo ponse be lo kamjikyzi'e .i go'i fa la ra'u .rodjyr.skratn. noi pijyskepre gi'e ciska lo sedu'u lo po'o remna cu bilga da .i panra dauselsku fa lo sedu'u ga no da te raktu fi lo nu pilno D pa'a lo nu xaksu da ginai no da nalsarcu dunku ku poi se cmene lu danlu kamka'orji'e ( gy. animal welfare gy. ) terji'u li'u