Паччахьалкхе (эрс: Госуда́рство, ингал: State) — къаьстта долча доазона тӀа юкъарлено вӀашагӀъелла политикан кеп я.
Ший доалахьа урхалдара а низбара а аппарат йолаш, цхьан доазона тӀа вӀаштӀехьдаьккха политикан кортамукъа публични Ӏаьдал да.
Е Ӏилма чу а, е халкъашта юкъерча бокъон чу а, дац юкъара цаӀ дола, массане тӀаийца дола «паччахьалкхе» яха духтӀе белгалъяр. «Мата» (мохк) яха дош маӀанах гарга да цунна, амма иззамо йола термин яц из. «Мата» яха дош «паччахьалкхенал» шерагӀа да. Массадолча мехкаша а Ӏилмо а бӀарчча ший долчча тайпара тӀаийца а дола юкъара цаӀ а дола «паччахьалкхе» яха термин юридически белгалъяр хӀанза а доацаш да. Цхьанкхийттача Къамий Организаци яхача эггара йоккхагӀа йолча халкъашта юкъера организаце аргӀа яц моллагӀа дола вӀашагӀдоллар паччахьалкхе я е яц аьнна белгалде. Из хаттар кхыча паччахьалкхенаши правительстваши деш долча халкъашта юкъера-бокъон къоабалдара хаттар да.
This article uses material from the Wikipedia ГӀалгӀай article Паччахьалкхе, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чударá тIакхоачилга CC BY-SA 4.0 яхача лицензе бокъонашца да, нагахьа санна кхыдар белгалдаь деце. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ГӀалгӀай (DUHOCTRUNGQUOC.VN) is an independent company and has no affiliation with Wiki Foundation.