Iti heograpia, dagiti rehion ket mabalin a kaaduan a mabingbingay babaen ti pisikal a pakailasinan (pisikal a heograpia), dagiti nagbanagan ti tao a pakailasinan (heograpia ti tao), ken ti pannakitinnignay ti Kinatao iti enbironmento (enbironmental a heograpia).
Dagiti heograpiko a rehion ken dagiti subrehion ket kaaduan a naipalplawagan babaen ti bukodda a saan nga apag-isu a pannakaipalawag, ken sagpaminsan pay dagiti panagdaliasat a pagbeddengan, malaksid iti heograpia ti tao a ti masakupan a luglugar a kas dagiti nailian a pagbeddengan ket nasayaat a naipalawag iti linteg.
Malaksid kadagiti rehion ti sangalubongan a kontinente, adda met dagiti rehion ti hidroespera ken dagiti atmospera a sumakup kadagiti taaw, ken dagiti mapagtalkan a klima iti ngato ti daga ken dagiti masa ti danum iti planeta. Dagiti global a rehion ti daga ken danum ket nabingbingay kadagiti subrehion a heograpiko a nabeddengan babaen dagiti dakkel a heolohiko a langa a mangimpluensia ti dakkel a gatad dagiti ekolohia, a kas dagiti tanap ken dagiti estepa, dagiti kabakiran a masif, dagiti desierto, wenno dagiti kabanbantayan a rehion. Dagiti subrehion ket mangipalawag kadagiti lugar iti kaunegan dagiti rehion a nalaka a mailasin iti heolohiko ken ekolohiko a mapalpaliiw a lang-langa.
A kas waya iti panangipalawag ti maipapan ti espasio a luglugar, ti konsepto dagiti rehion ket nangruna ken kaaduan a naus-usar kadagiti sanga iti heograpia, nga iti tunggal maysa ket mabalin a mangipalawag kadagiti lugar iti rehional a panangibagbaga. Kas pagarigan, ti ekorehion ket maysa a panangibagbaga nga inus-usar iti enbironmental a heograpia, ti kultural a rehion iti kultural a heograpia, ti biorehion iti bioheograpia, ken kdpy. Ti pagobraan ti heograpia nga agadal kadagiti rehion ket makunkuna iti rehional a heograpia.
Dagiti pagobraan iti pisikal a heograpia, ekolohia, bioheograpia, sooheograpia, ken enbironmental a heograpia, dagiti rehion nga imatonan a naibatay kadagiti masna a langa a kas dagiti ekosistema wenno dagiti biotopo, dagiti bioma, dagiti pagayusan a labneng, dagiti masna a rehion, dagiti kabambantayan, dagiti kita ti daga. No maipanggep ti heograpia ti tao, dagiti rehion ken dagiti subrehion ket naipalawag babaen ti didiplina ti etnograpia.
Ti rehion ket addaan iti bukodna a katutubo a mabalin a maiyalis. Ti umuna a katutubo ket ti bukodna a masna nga enbironmento (porma ti daga, klima, kdpy.). Ti maikadua a katutubo ket ti bukodna a pisikal a patakder dagiti elemento a naaramid babaen ti tattao iti napalabas. Ti makatlo a katutubo ket ti bukodna a sosio-kultural a kontesto a mabalin a masukatan babaen dagiti baro nga imigrante.
This article uses material from the Wikipedia Ilokano article Rehion, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.