Ti kabassitan a pakadanagan a sebbangan ket ti maysa a sebbangan a naikategorian babaen ti Sangalubongan a Kappon para iti Konserbasion ti Katutubo (IUCN) aa kas napategan ngem saan a kulipikado para iti ania man a sabali a kategoria.
Saanda maikualipikado a kas naipangta, asideg a naipangta, wenno (sakbay idi 2001) agkamkammatalek iti panagay-aywan.
Saan a makedngan dagiti sebbangan iti kategoria ti kabassitan a pakadanagan malaksid no pategan ti kasasaad ti populasionda. No dayta ket makasapul iti makaanay a pakaammo tapno makaaramid iti dagus, wenno di dagus, a panangipateg iti riesgona iti pannakaawan a naibatay iti pannakaiwarwarasna wenno kasasaad iti populasion.
Manipud idi 2001 ti kategoria ket adaan iti pangyababaan iti "LC" (Least-concern iti Ingles), kalpasan ti IUCN 2001 Categories & Criteria (bersion 3.1). Nupay kasta, agarup a 20% kadagiti kabassitan a pakadanagan a takson (3261 kadagiti 15636) iti database ti IUCN ket agus-usar iti kodigo ti "LR/lc", a mangibaga a saanda pat a napategan manen manipud idi 2000. Sakbay idi 2001 ti "kabassitan a pakadanagan" ket maysa idi a subkategoria ti kategoria ti "Ab-ababa a Riesgo" (Lower Risk iti Ingles) ken nakeddengan iti kodigo iti "LR/lc" wenno lc.
Bayat a ti "kabassitan a pakadanagan" ket saan a maikeddeng a kategoria ti nailista iti nalabbasit babaen ti IUCN, ti Nalabbasit a Listaan ti IUCN idi 2006 ket mangikeddeng pay laeng iti kategoria kadagiti 15636 a takson. Ti bilang dagiti sebbangan ti ayup a nailista iti daytoy a kategoria ket agdagup iti 14033 (a mangiraman dagiti nadumaduma a di naipalawag a sebbangan kas ti maysa a tukak manipud iti henero ti Philautus). Adda pay dagiti nailista a 101 a subsebbangan dagiti ayup ken 1500 a takson ti mula (1410 a sebbangan, 55 a subsebbangan, ken dagiit 35 a karuay). Adda pay dagiti dua a nailista a subpopulasion dagiti ayup: dagiti subpopulasion ti nasiitan nga aso-ikan ti Australasia ken Akin-abagatan nga Aprika. Awan ti pannakaidasig ti fungi wenno protista, ngem uppat laeng dagiti sebbangan kadagita a pagarian ti pinateganen babaen ti IUCN. Kualipikado dagiti tao para iti daytoy a kategoria, ken pormalda a napategan idi 2008 as such by the IUCN.
This article uses material from the Wikipedia Ilokano article Kabassitan a pakadanagan a sebbangan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.