Արամ Ինճիկեան, (29 Դեկտեմբեր 1910(1910-12-29), Ախալցխա - 22 Մարտ 1975(1975-03-22), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), ուսուցիչ, գիտութեան վաստակաւոր գործիչ, գրագէտ-քննադատ:
Արամ Ինճիկեան | |
---|---|
| |
Ծնած է | 29 Դեկտեմբեր 1910[1][2] |
Ծննդավայր | Ախալցխա[1][2] |
Մահացած է | 22 Մարտ 1975[1][2] (64 տարեկանին) |
Մահուան վայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն[1][2] |
Քաղաքացիութիւն | Ռուսական Կայսրութիւն Խորհրդային Միութիւն |
Ազգութիւն | Հայ[1][2] |
Ուսումնավայր | Խ. Աբովեանի Անուան Մանկավարժական Համալսարան Երեւանի Պետական Համալսարան[1] |
Մասնագիտութիւն | գրականագէտ, դասախօս |
Աշխատավայր | ԱրմՖԱՆ?[1] Կարմիր Բանակ Հ.Հ. ԳԱԱ Գրականութեան համալսարան |
Անդամութիւն | Խորհրդային Հայաստանի Գրողներու Միութիւն |
Միջնակարգի ուսումը ծննդավայրին մէջ ստանալէ ետք, որպէս ուսուցիչ կը պաշտօնավարէ Խնձորեսկի եւ Դսեղի դպրոցներուն մէջ: Ապա՝ նոյն պաշտօնով կ'անցնի Ախալցխա, ուր հեռակայ կարգով միաժամանակ կը շարունակէ իր ուսումը: Երեւանի Մանկավարժական Հիմնարկի լեզուի եւ գրականութեան բաժանմուքնի ընթացքը աւարտելէ ետք, 1934-ին կը մտնէ Երեւանի Պետական Համալսարանի ասպիրանդական բաժինը, իսկ 1937-ին որպէս գիտաշխատող, կ'անցնի Երեւանի Պատմութեան եւ Գրականութեան Հիմնարկը:
1938-1946 թուականներուն, որպէս սովետահայ բանակային, կը մասնակցի Համաշխարհային Բ. Պատերազմի մարտերուն: 1946-ին զօրանալէն ետք, մինչեւ իր մահը կը պաշտօնավարէ ՀՍՍՀ ԳԱ Մանուկ Աբեղեանի անուան Գրականութեան Հիմնարկին մէջ։ Գրագէտ-քննադատ, գիտութեան վաստակաւոր գործիչ, Բանասիրական Գիտութիւններու տոքթոր:
Արամ Ինճիկեան կը հանդիսանայ նոր եւ ժամանակակից հայ գրականութեան ամէնէն հմուտ եւ ձեռնհաս գրականագէտներէն մէկը: Իր անուան կապուած կը մնայ դասական շարք մը գրողներու՝ Մ. Նալպանտեանի, Ռ. Պատկանեանի, Յովհաննէս Թումանեանի, Յ. Պարոնեանի, Յ. Յովհաննիսեանի երկերուն ակադեմական հրատարակութեանը: Ա. Ինճիկեան հեղինակն է բազմաթիւ հետազօտութիւններու եւ մենագրութիւններու: Անոր գրչին կը պատկանին հայ նոր գրականութեան դասական ներկայացուցիչներու՝ Ղ. Ալիշանի, Ռ. Պատկանեանի, Մ. Պէշիկթաշլեանի, Ս. Շահազիզի, Ալ. Ծատուրեանի եւ Սիամանթոյի նուիրուած շարք մը հետազօտութիւններ, ինչպէս նաեւ՝ «Լերմոնտովը եւ Հայ Վաթսունականները», «Պելինսկին Հայ Գրականութեան մէջ», «Չերնիշիւեսկու եւ Նալպանտեանի Գաղափարական Կապերի Հարցին Շուրջը» ուսումնասիրութիւնները:
Ա. Ինճիկեանի աշխատասիրութիւններէն առանձին հատորով լոյս տեսած են Ա. Իսահակեանի (Երեւան,1940), Միքայէլ Նալպանտեանի «Կեանքի եւ Գործունէութեան Տարեգրութիւնը» (Երեւան,1954), «Աւետիք Իսահակեան» (Երեւան, 1955), «Մտերիմներ եւ Մտորումներ» (Երեւան, 1967), «Յովհաննէս Թումանեան» (Երեւան, 1969), «Աւ. Իսահակեան» (Երեւան, 1977):
Ա. Ինճիկեան կը մահանայ 1975-ի Մարտին:
This article uses material from the Wikipedia Արեւմտահայերէն article Արամ Ինճիկեան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.