Yaoundé (němsce tež Jaunde) je stolica Kameruna w zapadnej Africe a z wjace hač dwěmaj milionomaj wobydlerjow (2012) druhe najwjetše město kraja po přistawnym měsće Douala.
Nadeńdźe so w hórkatej krajinje we wysokosći wot 730 metrow nad mórskej hładźinu při rěce Mfoundi. Wot 1962 je Yaoundé sydło uniwersity a wot 1961 wobsteji w měsće tež němski Goethowy institut.
| ||
Zakładne daty | ||
---|---|---|
stat | Kamerun | |
wysokosć | 730 metrow n.m.hł. | |
wobydlerstwo | 2.440.462 (2012) | |
Kongresowy palast a měšćanska štwórć Tsinga | ||
W měsće knježi włóžna, tropiska klima z přerěznymi temperaturami wot 20 do 31° C w februarje a 19 do 26° C w juliju. Suchi čas traje wot decembra hač do februara.
Sydlišćo załoži so w lěće 1889 w nadawku němskeho kolonialneho zarjadnistwa přez oficěra-slědźerja Richarda Kunda jako slědźenska stacija a lěhwo za wikowanje ze słonowinu. W lěće 1895 přetwori so stacija do wojerskeho zepěranišća a 1903 přińdźe pod ciwilne zarjadnistwo. W běhu Prěnjeje swětoweje wójny sta so město w lěće 1915 ze stolicu němskeje kolonije, bu pak hižo w januarje 1916 wot belgiskeho wójska wobsadźene. Wot 1922 bě jako Yaoundé hłowne město Francoskeho Kameruna.
This article uses material from the Wikipedia Hornjoserbsce article Yaoundé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.