Trudla Malinkowa, rodź.
Grofic (* 21. februara 1955 w Chasowje) je serbska wědomostnica, redaktorka serbskeho ewangelskeho časopisa Pomhaj Bóh (wot 2000) kaž tež předsydka stawizniskeje sekcije a wuběrka za serbske pomniki Maćicy Serbskeje.
W lětach 1992–1995 a znowa wot lěta 2000 dźěłaše wona jako wědomostna sobudźěłaćerka při Budyskim Serbskim instituće. Ćežišća jeje wědomostneho dźěła na serbskim polu tworja wupućowanje Serbow do zamórskich krajow, zestajenje kulturnych pomnikow a biografije wosobinow kaž Jana Kiliana abo Marje Kubašec. Wuslědki slědźenja wozjewi Malinkowa přewažnje w knižnej formje w Ludowym nakładnistwje Domowina kaž tež w mnohich nastawkach w Lětopisu abo Rozhledźe. W nowembrje 2020 poda so na wuměnk.
Wona je zmandźelena ze serbskim fararjom Janom Malinkom, z kotrymž ma pjeć dźěći. W lěće 2021 spožči so Malinkec mandźelskimaj Myto Ćišinskeho za jeju zasłužby na polu serbskich kulturnych stawiznow.
This article uses material from the Wikipedia Hornjoserbsce article Trudla Malinkowa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.