Marjana Domaškojc (* 28.
februara">28. februara 1872 w Cazowje, † 11. awgusta 1946 runje tam) bě delnjoserbska basnica, spisowaćelka, nowinarka a patriotka.
Wona započa wot 1886 w tekstilnej fabrice w Choćebuzu dźěłać. Hač do 1931 bě tam přistajena a hromadźeše zaćišće a nazhonjenja serbsko-němskich dźěłowych poměrow w Delnjej Łužicy.
Wot 1925 pisaše za rozdźělne serbske nowiny a časopisy rozprawy a předewšěm basnje. Do jeje basnjow zaběžachu předewšěm jeje zaćišće domjaceje přirody a wjesneho žiwjenja z religiozneho wida. Nimo toho pisaše tež patriotiske basnje, w kotrychž so z tehdyšej situaciju Serbow kritisce rozestaješe.
W lěću 1929 wuńdźe jeje socialnokritiska dźiwadłowa hra Z chudych žywjenja tehdyšeho časopisa Łužyca, w kotrymž je połoženje Serbow wopisała. Dźiwadłowa hra njemóžeše so dla spřećiwjenja konserwatiwnych kruhach w Němskej předstajić. W lěću 1932 předstaji so prěni raz čěsce w Praze.
Po njej bu w NDR pomjenowana tehdyša Serbska rozšěrjena wyša šula w Choćebuzu, dźensniši Delnjoserbski gymnazij. W Choćebuskim měšćanskim dźělu Chmjelow je dróha po Marjani Domaškojc pomjenowana, w Radušu tamniša pěstowarnja.
Jeje row z wot Měrćina Nowaka-Njechorńskeho wuhotowanym drjewjanym křižom nadeńdźe so na wjesnym pohrjebnišću w Cazowje. Křiž steji pod pomnikoškitom.
This article uses material from the Wikipedia Hornjoserbsce article Marjana Domaškojc, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.