Aralski jězor (kazachsce Арал теңізі Aral teñizi; uzbeksce Orol dengizi; rusce Аральское море/Aralskoje morje) je bjezwottokowy słony jězor w Srjedźnej Aziji, kotryž wobsteji wusušenja dla mjeztym z třoch dźělow.
Z 1960tych lět dowjedźe wužiwanje wody Amudarje a Syrdarje za powodźowanje hoberskich plahowanišćow bałmy k zesušenju a zapěskowanju něhdyšeho štwórty najwjetšeho jězora swěta. Tute wuwiće słuša k najwjetšim kunštnym wobswětowym katastrofam w stawiznach čłowjestwa.
Aralski jězor | ||
---|---|---|
Satelitowe wobrazy jězora mjez 2000 a 2011 (wobrys wot 1960) | ||
Geografija | ||
stat(y) | Kazachstan, Uzbekistan | |
přitoki | Amudarja, Syrdarja | |
wotběh | žadyn | |
přibrjóžne sydlišća | Aralsk, Mo‘ynoq (něhdy) | |
Daty | ||
wysokosć | 31 m n.m.hł. | |
přestrjeń | 17.160 km² | |
wolumen | 113 km³ | |
sólnosć | 109 g/l | |
Powostanki Aralskeho jězora so namakaja w Turanskej nižinje, kotraž přisłuša Aralsko-Kaspiskej nurinje a leža w Kazachstanje a Uzbekistanje. Kontinentalneje klimy dla wobsteji wokolina jězora z pusćinow a połpusćinow. Wulki dźěl něhdy 68.000 km² wulkeje swětliny wody bu dźensa mjenowana jako nowa pusćina Aralkum.
This article uses material from the Wikipedia Hornjoserbsce article Aralski jězor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.