Karel Zeman: čěski filmowy režiser

nowembra">3. nowembra 1910 w Ostroměřu; † 5. apryla 1989 w Praze) bě čěskosłowakski filmowy režiser. Wón płaći hromadźe z Hermínu Týrlovej a Jiřijom Trnku k załožerjam čěskeho animěrowaneho filma.

Zhromanje z Hermínu Týrlovej produkowaše w lěće 1943 w filmowym studiju w Zlínje prěni trikowy film Vánoční sen („Hodowny són“). Jedyn z jeho najznaćišich filmow je „Jězba do prawěka“, za kotryž spožčichu jemu w lěće 1955 myto za najlěpši dźěćacy film na filmowym festiwalu w Bjenatkach. 1977 produkowaše trikowy film Čarodějův učeň („Kuzłarski wučomnik“) po serbskej powědce Krabata. Charakteriske za Zemanowe filmy bě zwjazanje trikowych scenow z realnymi hrajnymi scenami.

Zeman bu pochowany na lěsnym pohrjebnišću w Zlínje.

Po Zemanje pomjenowachu w lěće 2001 asteroid (19291) Karelzeman. W Praze nadeńdźe so 2012 załoženy Karla Zemanowy muzej.

 

• 1952: Pokład ptačeje kupy (Poklad Ptacího ostrova)
• 1952: Kral z wóslacymaj wuchomaj (Král Lávra)
• 1955: Jězba do prawěka (Cesta do pravěku)
• 1957: Wunamakanje zahuby (Vynález zkázy) po romanje Julesa Verna
• 1961: Baron Münchhausen (Baron Prášil) po romanje Gottfrieda Augusta Bürgera
• 1967: Kradnjeny powětroń (Ukradená vzducholoď)
• 1970: Na komeće (Na kometě) po romanje Julesa Verna
• 1971: Dyrdomdeje Sindbada (Dobrodruzství námorníka Sindibáda)
• 1977: Krabat (Čarodějův učeň) po knize Otfrieda Preußlerja
• 1980: Bajka wo Janje a Mariji (Pohádka o Honzíkovi a Mařence)

  Commons: Karel Zeman – Zběrka wobrazow, widejow a awdiodatajow

• Webstrona Karla Zemanoweho muzeja w Praze (čěsce)