Jurij Józef Šimon (němsce Georg Josef Schimon; * 1646 w Ćemjercach, † 18.
decembra">18. decembra 1729 w Praze) bě serbski katolski duchowny a sobuzałožer Serbskeho seminara w Praze.
Wón a jeho bratr Měrćin Norbert Šimon běštaj synaj roboćana z Ćemjerc pola Budyšina a studowaštaj w Čechach teologiju. Jurij Józef Šimon měješe jako młody duchowny wot 1668 do 1673 farske městno w Hodkovicach a bě wot 1673 spowědnik karmelitkow a administrator jich cyrkwje swj. Józefa na Małej stronje w Praze.
W lěće 1694 kupi mały dom njedaloko cyrkwje swj. Pětra a Pawoła na Małej stronje a 1704 k tomu kruch zahrody njedaloko Karloweho mosta, hdźež natwari chěžu. Tuta pak so jako přemała wopokaza, tak zo přikupi 1716 susodnu chěžu. Na hromadźe połoženej ležownosći nasta hač do dźensnišeho zdźeržane twarjenje Serbskeho seminara, do kotrehož zaćahnychu nazymu 1727 prěni serbscy studenća. Jurij Józef Šimon bě prěni prezes seminara.
This article uses material from the Wikipedia Hornjoserbsce article Jurij Józef Šimon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.